اسلام آباد: وفاقی بورڈ برائے ریونیو (ایف بی آر) نے افغانستان سے تازہ پھلوں کی درآمد پر سیلز ٹیکس ختم کر دیا، جس کا دونوں ممالک کے تاجروں نے بھرپور خیرمقدم کیا ہے۔
ہفتہ کو چیئرمین ایف بی آر ڈاکٹر محمد اشفاق احمد نے ممبر (کسٹمز آپریشنز) سید طارق ہدیٰ اور ممبر کسٹم پالیسی سعید جدون کے ہمراہ پاک افغان طورخم سرحد کا دورہ کیا اور دوطرفہ تجارت کو آسان بنانے کے لیے پاکستان کسٹمز کی جانب سے فراہم کی جانے والی خدمات کی رفتار اور معیار کا جائزہ لیا۔
Chairman FBR, Dr.Muhammad Ashfaq Ahmad accompanied by Syed Tariq Huda Member(Customs Ops) and Saeed Jadoon Member (Customs Policy) visited Torkham Border and reviewed the pace and quality of services being provided by Customs to facilitate trade between Pakistan and Afghanistan.
— FBR (@FBRSpokesperson) September 25, 2021
چئیرمین ایف بی آر نے افغانستان سے پھلوں سے لدے تقریباََ 1400 ٹرکوں کی کلیئرنس کو یقینی بنایا جو سرحد پر پھنس گئے تھے۔
کسٹمز عملہ نے چئیرمین ایف بی آر کو یقین دلایا کہ مزید 100 ٹرکوں کی کلئیرنس کے عمل کو تیز کیا جائے گا۔
چئیرمین ایف بی آر نے دونوں اطراف کے تاجروں کے ساتھ اہم ملاقات بھی کی، انہوں نے یقین دہانی کرائی کہ دو طرفہ تجارت کے عمل کو ہموار اور سہل بنانے کیلئے ایف بی آر مکمل تعاون فراہم کرے گا۔
ڈاکٹر محمد اشفاق نے امید ظاہر کی کہ سرحد پر تعینات کسٹمز کا عملہ فرائض منصبی کی ادائیگی میں پیشہ ورانہ طرز عمل کے اعلیٰ معیار کو برقرار رکھے گا۔
