کراچی: پاکستان کے زرمبادلہ ذخائر کا حجم تقریباََ 22 کروڑ ڈالر کی کمی کے بعد 24 ارب 64 کروڑ 40 ڈالر ریکارڈ کیا گیا۔
ایس بی پی کی رپورٹ کے مطابق 6 اگست کو ختم ہونے والے کاروباری ہفتہ میں ملک کے مجموعی غیرملکی زرمبالہ ذخائر کا حجم 24 ارب 64 کروڑ 40 ڈالر ریکارڈ کیا گیا۔
اس میں سے سٹیٹ بینک کے پاس 17 ارب 62 کروڑ 27 لاکھ ڈالر جبکہ کمرشل بینکوں کے پاس 7 ارب 2 کروڑ 13 لاکھ ڈالر موجود تھے۔
Total liquid foreign #reserves held by the country stood at US$ 24.64 billion as of August 06, 2021. For details: https://t.co/WpSgomnd3v pic.twitter.com/XQ5sQhokRi
— SBP (@StateBank_Pak) August 13, 2021
تاہم زرمبادلہ کے مجموعی ذخائر میں پیوستہ کاروباری ہفتے کے مقابلے میں کمی دیکھنے میں آئی ہے، 30 جولائی کو ختم ہونے والے ہفتہ میں زرمبادلہ ذخائر کا مجموعی حجم 24 ارب 85 کروڑ 32 لاکھ ڈالر تھا۔
اس میں سے سٹیٹ بینک کے پاس 17 ارب 84 کروڑ 60 لاکھ ڈالر کے زرمبادلہ ذخائر موجود تھے جبکہ کمرشل بینکوں کے پاس 7 ارب 72 لاکھ ڈالر موجود تھے۔
نجی ٹی وی کی رپورٹ کے مطابق زرمبادلہ ذخائر میں کمی حکومت کی جانب سے 245 ملین ڈالر کی کورونا ویکسین خریدنے کی وجہ ہوئی، اس طرح سٹیٹ بینک کے ذخائر تقریباََ 22 کروڑ ڈالر کم ہوئے۔
دوسری جانب وزیر خزانہ شوکت ترین کا کہنا ہے کہ آئی ایم ایف کی طرف سے رکن ممالک کیلئے 650 ارب ڈالر کے پیکج میں سے پاکستان کو 2.77 ارب ڈالر ملیں گے جو 23 اگست کو سٹیٹ بینک کے اکائونٹ میں منتقل ہو جائیں گے جس سے ملکی زرمبادلہ کے ذخائر میں اضافہ ہو گا۔
