اسلام آباد: پاکستان انٹرنیشنل ایئر لائنز (پی آئی اے) کی دو خصوصی پروازیں بیجنگ سے کورونا سے بچائو کی ویکسین لے کر پاکستان پہنچ گئیں۔
قومی ائیر لائن کے ترجمان عبداللہ خان کی طرف سے جمعرات کو جاری اعلامیہ میں بتایا گیا ہے کہ پی آئی اے کی پہلی پرواز صبح ساڑھے سات بجے بیجنگ سے اسلام آباد پہنچی جبکہ دوسری پرواز دوپہر 12 بجے اسلام آباد پہنچ گئی ہے، تیسری پرواز رات 12 بجے اسلام آباد پہنچے گی۔
03 more #PIA 777s arrived in #Beijing – #China to carry another large consignment of #COVID19 vaccines as part of larger initiative to combat the pandemic. On behest of @GovtofPakistan, we would continue to serve this great nation at the time of crisis. #Inthistogether #WeAreOne pic.twitter.com/nnjyYjyvlC
— PIA (@Official_PIA) April 29, 2021
خصوصی پروازیں حکومت پاکستان کی ہدایت پر چلائی جا رہی ہیں، تینوں پروازوں کے ذریعے ویکسین کی مجموعی طور پر 10 لاکھ خوراکیں پاکستان لائی جائیں گی۔
دورسری جانب وزیراعظم کے معاون خصوصی برائے قومی صحت ڈاکٹر فیصل سلطان نے کہا ہے کہ یہ تاثر گمراہ کن ہے کہ پاکستان محض تحفتاً دی گئی ویکسین پر انحصار کر رہا ہے۔
یہ تاثر گمراہ کن ہے کہ پاکستان محض تحفتاً دی گئی ویکسین پر منحصر ہے۔
پاکستان 30 لاکھ ڈوزز خرید چکا ہے جبکہ مزید 3 کروڑ ڈوزز کی خریداری کے لیے تین پیداواری کمپنیوں سے ڈیل پر دستخط بھی کر چکا ہے۔ طلب اور رسد میں فرق کے باعث محض پاکستان نہیں، پوری دنیا میں ویکسینیشن کا عمل سست ہے۔ pic.twitter.com/Z7uaXZWVIn
— Prime Minister's Office, Pakistan (@PakPMO) April 28, 2021
ٹویٹر پر اپنے ویڈیو پیغام میں ڈاکٹر فیصل سلطان نے کہا کہ پاکستان ویکسین کی 30 لاکھ خوراکیں خرید چکا ہے جبکہ مزید تین کروڑ خوراکو ں کی خریداری کے لیے تین کمپنیوں سے معاہدوں پر دستخط بھی کر چکا ہے۔ طلب اور رسد میں فرق کے باعث محض پاکستان نہیں، پوری دنیا میں ویکسی نیشن کا عمل سست ہے۔
