پشاور: خیبرپختونخوا حکومت نے ای گورننس کی طرف اہم قدم اٹھاتے ہوئے محکمہ ایکسائز کے تحت ٹیکسوں کی آن لائن ادائیگیوں کے نظام کا اجرا کر دیا۔
وزیراعلیٰ خیبرپختونخوا محمود خان نے محکمہ ایکسائز کے تحت ٹیکسوں کی آن لائن ادائیگیوں کے نظام کا اجراء کیا، ٹیکسوں کی آن لائن ادائیگیوں کے لئے ’زما کے پی‘ کے نام سے موبائل ایپ تیار کیا گئی ہے۔
CM @IMMahmoodKhan launched #ZamaKP, the first ever e-payment system of KP to facilitate online payment of vehicles & property tax. The govt is committed to scale up this e-payment system to other departments to bring transparency in taxation system. A project of SNG ICF team pic.twitter.com/vxa957rC1N
— SNG Pakistan (@SNGPakistan) September 16, 2021
واضح رہے کہ جدید ٹیکنالوجی کی حامل یہ موبائل ایپ برطانوی حکومت کے ادارے سب نیشنل گورننس پروگرام کی معاونت سے تیار کی گئی ہے، اس ایپ کی مدد سے صارفین گھر بیٹھے ٹیکس ادائیگی کر سکتے ہیں۔
ابتدائی طور پر اس ایپ کے ذریعے گاڑیوں کے ٹوکن ٹیکس کی آن لائن ادائیگی ممکن ہو گی، اگلے مرحلے میں گاڑیوں کے دیگر ٹیکسوں اور پراپرٹی ٹیکسوں کی آن لائن ادائیگی بھی ممکن ہو سکے گی۔
محکمہ ایکسائز اینڈ ٹیکسیشن کے علاوہ دیگر محکمے بھی اس ایپ کو اپنی آن لائن ٹیکس کولیکشن کے لئے استعمال کر سکتے ہیں، اس ایپ کی مدد سے تعلیمی بورڈز کی فیسوں کی آن لائن ادائیگی بھی کی جا سکے گی۔
