اسلام آباد: وفاقی وزیر برائے ریلویز اعظم خان سواتی نے ریلوے کے مسافروں سے ٹکٹ پر اضافی ڈیم فنڈ کی کٹوتی کو ختم کرنے کے احکامات جاری کر دیئے۔

‏ترجمان ریلویز کے مطابق پاکستان ریلویز مسافروں سے اکانومی کلاس پر 100 روپے تک کرائے پر فی مسافر ایک روپیہ اور 100 روپے سے زیادہ کرائے پر 2 روپے اور ایئرکنڈیشنڈ کلاس میں 10 روپے ڈیم فنڈ کی مد میں وصول کر رہا تھا۔

یہ کٹوتی دیامیر بھاشا ڈیم اور مہمند ڈیم کی تعمیر کے سلسلے میں کی جا رہی تھی تاہم اب وفاقی وزیر ریلوے نے مسافروں سے ٹکٹ پر اضافی ڈیم فنڈ کٹوتی کو ختم کرنے کے احکامات جاری کر دئیے ہیں۔