اسلام آباد: وزیراعظم کے مشیر برائے تجارت و سرمایہ کاری عبد الرزاق دائود نے کہا ہے کے رواں مالی سال 2020-21ء کے ابتدائی دس ماہ (جولائی تا اپریل) کے دوران انفارمیشن اینڈ کمیونی کیشن ٹیکنالوجی اور ٹیلی کمیونی کیشن کے شعبہ کی برآمدات میں 46 فیصد اضافہ ریکارڈ کیا گیا ہے۔
اپنے ایک ٹویٹ میں رزاق دائود نے کہا کہ جولائی 2020ء سے اپریل 2021ء کے دوران انفارمیشن ٹیکنالوجی اور ٹیلی کام کے شعبہ کی برآمدات 46 فیصد اضافہ کے ساتھ ایک ارب 70 کروڑ ڈالر ریکارڈ کی گئیں جو گزشتہ مالی سال کی اسی مدت میں ایک ارب 17 کروڑ ڈالر تھیں۔
MoC is glad to inform that during Jul-Apr 2021, Pakistan’s ICT & Telecom exports grew by 46% to USD 1.70 Billion as compared to USD 1.17 Billion in Jul-Apr 2020.
In April 2021, these exports grew by 66% to USD 196 million as compared to USD 118 million in April 2020. pic.twitter.com/5Y8uaSJQ9d— Abdul Razak Dawood (@razak_dawood) May 25, 2021
مشیر تجارت نے بتایا کہ اپریل 2021ء کے دوران مذکورہ شعبوں کی برآمدات 66 فیصد اضافے کے ساتھ 19 کروڑ 60 لاکھ ڈالر رہیں جو اپریل 2020ء کے دوران 11 کروڑ 80 لاکھ ڈالر ریکارڈ کی گئیں تھیں۔
زراق دائود کا کہنا تھا کہ پاکستان کی تاریخ میں پہلی دفعہ آئی سی ٹی اور ٹیلی کام کے شعبہ کی برآمدات دو ارب ڈالر کے قریب ہوں گی، انہوں نے ٹیلی کام شعبہ کے برآمد کنندگان کو یقین دلایا کہ وزارت تجارت ان سے ہر ممکن تعاون کرے گی۔
