اسلام آباد: ترجمان پاور ڈویژن نے کہا ہے کہ وفاقی کابینہ نے نیشنل الیکٹرک پاور ریگولیٹری اتھارٹی (نیپرا) کی سفارش کے باوجود بجلی کی قیمت میں فوری اضافہ کی منظوری نہیں دی۔
ایک بیان میں ترجمان پاور ڈویژن نے کہا کہ وزارت بجلی کو ہدایت کی گئی ہے کہ نیپرا سے اس فیصلے پر نظرثانی کے لئے درخواست کی جائے تاکہ بجلی کی قیمت برقرار رہے اور اکتوبر کیلئے نرخ میں صرف 8 پیسے کا اضافہ ہو۔ وزارت توانائی نے وفاقی کابینہ کی ہدایت پر نظرثانی درخواست نیپرا میں جمع کرا دی ہے۔
ادھر وفاقی وزیر توانائی حماد اظہر نے بھی ایک ٹویٹ میں کہا ہے کہ نیپرا کی سفارش کے باوجود بجلی کی قیمت میں فوری اضافہ کی منظوری نہیں دی گئی بلکہ وزارت بجلی کو ہدایت کی گئی ہے کہ نیپرا سے اس فیصلے پر نظر ثانی کے لئے درخواست کی جائے۔
News channels are reporting an increase in electricity prices in October. It is important to clarify that a Quarterly Tariff Adjustment is expiring in October and a new one will be replacing it. The net increase in the electricity unit price will be only .08 paisa/unit.
— Hammad Azhar (@Hammad_Azhar) May 21, 2021
انہوں نے کہا کہ اکتوبر میں ایک سہ ماہی ٹیرف ایڈجسٹمنٹ ختم ہو رہی ہے اور اس کی جگہ متبادل سہ ماہی ٹیرف ایڈجسٹمنٹ ہو گی اس سے بجلی کے نرخ میں 8 پیسے فی یونٹ اضافہ ہو گا، ایک روپے 72 نہیں، اس کی وضآحت ضروری ہے۔
