اسلام آباد: سٹیٹ بینک آف پاکستان (ایس بی پی) اور پاکستان سٹاک ایکسچینج (پی ایس ایکس) عیدالفطر کے موقع پر 10 مئی سے لے کر 15 مئی تک بند رہیں گے۔
سٹیٹ بینک کی جانب سے جاری اعلامیہ کے مطابق عیدالفطر کے موقع پر سٹیٹ بینک کی شاخیں اور تمام دفاتر 10 مئی سے لے کر 15 مئی (سوموار سے لے کر ہفتہ تک) بند رہیں گے۔
The State Bank of Pakistan will remain closed from May 10 – 15, 2021 on the occasion of Eid-ul-Fitr.https://t.co/v5sUkUqW2Z pic.twitter.com/n4ytscw21E
— SBP (@StateBank_Pak) May 4, 2021
اعلامیہ میں کہا گیا ہے کہ تمام شیڈول اور کمرشل بینک اور مالیاتی اداروں کے دفاتر 8 مئی کو دن 9 بجے سے 2 بجے تک کھلے رہیں اور 9 مئی سے تقریباً ایک ہفتہ تک بند رہیں گے۔
To cater the banking needs of public, all branches of banks/MFBs will remain open on May 8, 2021 from 9am to 2pm.https://t.co/Z6LVenBYGP
— SBP (@StateBank_Pak) May 4, 2021
دوسری جانب پاکستان سٹاک ایکسچینج کی جانب جاری کردہ اعلامیہ میں کہا گیا ہے کہ عیدالفطر کی چھٹیوں کی مناسبت سے 10 مئی سے لے کر 15 مئی تک پی ایس ایکس بند رہے گی، چھٹیوں کے بعد پی ایس ایکس کی سرگرمیاں معمول کے مطابق شروع ہو جائیں گی۔
