بیجنگ: چائنا بین الاقوامی انفارمیشن اور کمیونیکیشن ایکسپو کے موقع پر جاری ایک رپورٹ کے مطابق 2019ء میں ڈیجیٹل معشیت کے حجم کے لحاظ سے امریکہ پہلے جبکہ چین دوسرے نمبر پر رہا۔
عالمی میڈیا کے مطابق 2019ء میں امریکہ کی ڈیجیٹل معیشت کی کل مالیت 13.1 ارب ڈالر، جبکہ چین میں یہ مالیت 5.2 ارب ڈالر رہی۔ جرمنی، جاپان اور برطانیہ بالترتیب تیسرے تا پانچویں نمبر پر آئے۔
چائنا اکیڈمی آف انفارمیشن اینڈ کمیونکیشن کے سربراہ لیو دو نے کہا کہ اقتصادی کساد بازاری کے باوجود چین کی ڈیجیٹل معیشت میں اضافہ ہو رہا ہے۔
انہوں نے کہا کہ ڈیجیٹل معیشت کو فروغ دینا مختلف ممالک کی اقتصادی بحالی کے لیے کلیدی اقدام ہے اور یہ عالمی اقتصادی اضافے کی مضبوط قوت بن چکی ہے۔
