ریاض: سعودی عرب نے دو مزید کورونا ویکسینز سائنو ویک اور سائنو فارم کی منظوری دے دی۔
عرب نیوز کے مطابق سعودی وزارت صحت کا کہنا ہے کہ وہ افراد جنہوں نے چینی ویکسین سائنو فارم یا سائنو ویک کی دو خوراکیں لی ہوئی ہیں وہ سعودی عرب میں داخل ہو سکتے ہیں۔
تاہم انہیں ان دو خوراکوں کے ساتھ ایک بوسٹر ڈوز بھی لگوانا ہو گی جو سعودی عرب میں منظور شدہ ویکسین میں سے ایک ہو۔
اس وقت سعودی عرب میں چار منظور شدہ ویکسین ہیں جس میں فائزر، اسٹرا زینیکا، جانسن اینڈ جانسن اور موڈرنا شامل ہیں۔
