دبئی: دبئی کی بندرگاہ جبل علی میں لنگر انداز ایک کنٹینر جہاز میں بدھ کی رات گئے ایک زور دار دھماکے کے بعد آگ لگ گئی۔
مقامی ذرائع کے مطابق دھماکا اس قدر شدید تھا کہ ساحل کے قریب عمارتیں لرز اٹھیں اور متعدد عمارتوں کی کھڑکیوں کے شیشے ٹوٹ گئے۔ دھماکے سے اٹھنے والی آگ کو میلوں دور سے دیکھا گیا۔
A fire caused by an explosion within a container on board a ship at Jebel Ali Port has been brought under control; no casualities have been reported. pic.twitter.com/oMTaJhgEYd
— Dubai Media Office (@DXBMediaOffice) July 7, 2021
اردو نیوز کو دبئی کے رہائشیوں نے بتایا کہ ’ایک زور دار دھماکے کی آواز سنی گئی اور گھروں کی کھڑکیاں لرزتی ہوئی محسوس ہوئیں۔‘
سوشل میڈیا پر شیئر کی جانے والی تصاویر میں فائر فائٹرز کو آگ پر قابو پانے کی کوشش کرتے دیکھا جا سکتا ہے۔ سوشل میڈیا پر غیر تصدیق شدہ ویڈیوز بھی شیئر کی گئی ہیں جس میں جبل علی پورٹ کے قریب دھماکے کے بعد آگ کے شعلے نظر آ رہے ہیں۔
الأجهزة المعنية تسيطر بكفاءة عالية على المرحلة الأخيرة من حريق اندلع في حاوية على متن سفينة تستعد للرسو على أحد أرصفة ميناء جبل علي، بعيداً عن الخط الملاحي الرئيسي للميناء دون حدوث أي إصابات أو وفيات. pic.twitter.com/SycrtY0PQA
— Dubai Media Office (@DXBMediaOffice) July 7, 2021
دبئی مرینا کے علاقے میں رہائش پذیر کم از کم چار افراد نے دھماکے کی آواز سنی اور بتایا کہ ’دھماکے سے ان کے گھر کی کھڑکیاں اور دروازے لرز اٹھے اور شیشے ٹوٹ گئے۔‘
مرینا کے ایک اور رہائشی نے بتایا کہ اس نے عمارتوں کی کھڑکیوں کو لرزتے ہوئے دیکھا۔ ’پندرہ برس سے یہاں رہ رہا ہوں۔ یہ پہلی مرتبہ ہے جب میں نے ایسا دیکھا اور سنا ہے۔‘
ادھر فرانسیسی خبر رساں ادارے کے مطابق دبئی میڈیا آفس نے جمعرات کو اپنے ٹویٹ میں بتایا کہ دبئی کی جبل علی پورٹ پربحری جہاز کے کنٹینر میں دھماکے سے لگی آگ پر قابو پالیا گیا ہے تاہم حادثے میں کسی جانی نقصان کی اطلاع موصول نہیں ہوئی۔
— Dubai Media Office (@DXBMediaOffice) July 7, 2021
دبئی پولیس نے بتایا کہ جہاز پر موجود 130 کنٹینرز میں سے 3 کنٹینرز میں آتش گیر مواد موجود تھا۔ جہاز میں عملے کے 14 افراد بھی موجود تھے۔
حادثے کے بعد بندرگاہ حکام نے کہا ہے کہ وہ بغیر کسی مداخلت کے بندرگاہ میں جہازوں کی معمول کی آمدورفت کو یقینی بنانے کے لئے تمام ضروری اقدامات کر رہے ہیں۔
