اسلام آباد: وفاقی وزیر خزانہ شوکت ترین نے کہا ہے کہ مجموعی قرضوں اور واجبات میں ایک سال کے دوران 8 فیصد کی شرح سے کمی ہوئی ہے جبکہ قومی معیشت کی بڑھوتری کی شرح 3.9 فیصد رہی ہے۔
Total debt and liabilities decreased by almost 8% in one year. Total debt and liabilities stood at 95.3% of GDP at the end of third quarter of 2020-21 as against 103% of GDP in the comparable period last year. @PTIofficial @ImranKhanPTI @GovtofPakistan pic.twitter.com/KKd5OBxi6Q
— Shaukat Tarin (@shaukat_tarin) June 10, 2021
سماجی رابطے کی ویب سائیٹ ٹوئٹر پر ایک بیان میں وزیر خزانہ نے کہا کہ جاری مالی سال 2020-21ء کی تیسری سہ ماہی (جنوری تا مارچ) کے اختتام تک جی ڈی پی کے تناسب سے قرضوں اور واجبات کی شرح 95.3 فیصد ریکارڈ کی گئی جبکہ گزشتہ مالی سال کی اسی مدت میں جی ڈی پی کے تناسب سے قرضوں اور واجبات کا حجم 103 فیصد ریکارڈ کیا گیا تھا۔
انہوں نے کہا کہ مینوفیکچرنگ اور خدمات کے شعبہ جات میں بہتری اور اضافہ کی وجہ سے قومی معیشت کی بڑھوتری کی شرح 3.9 فیصد رہی ہے۔ حکومت کو رواں سال معیشت میں 2.1 فیصد بڑھوتری کی توقع تھی حتیٰ کہ آئی ایم ایف اور عالمی بینک نے اس سے بھی کم اندازے لگائے تھے۔
