اسلام آباد: ڈیجیٹل پاکستان ویژن کا عملی نمونہ پیش کرتے ہوئے ملکی تاریخ میں پہلی بار وفاقی کابینہ کا پیپرلیس اجلاس منعقد کیا گیا۔
منگل کو وزیراعظم عمران خان کی زیرصدارت وفاقی کابینہ کا اجلاس شروع ہوا تو وزراء کے سامنے میز پر کاغذی فائلوں کی بجائے ڈیجیٹل ٹیبلٹس موجود تھے۔
آج پاکستان کی تاریخ میں پہلی بار پیپر لیس کابینہ کا اجلاس ہوا ہے @fawadchaudhry pic.twitter.com/Y2psatiqYo
— Fawad Chaudhry (Updates) (@FawadPTIUpdates) May 25, 2021
اس حوالے سے وفاقی وزیر اطلاعات و نشریات فواد چوہدری نے ایک ٹویٹ میں بتایا کہ ’آج پاکستان کی تاریخ میں پہلی بار کابینہ کا اجلاس پیپرلیس ہوا ہے۔‘
وزیرِ اعظم پاکستان عمران خان کی زیرِ صدارت ہونے والے تاریخی کابینہ اجلاس میں نیشنل انفارمیشن ٹیکنالوجی بورڈ کیجانب سے جدید ٹیکنالوجی پرمشتمل "کیبنٹ پورٹل" استعمال ہوا ۔کابینہ پورٹل صارف دوست ہونے کیساتھ کاغذ کی مد میں ہونے والے اخراجات میں تاریخ ساز کمی لانے میں مددگار ثابت ہوگا۔ pic.twitter.com/jVsvznxnig
— National Information Technology Board (@NationalITBoard) May 25, 2021
نیشنل انفارمیشن ٹیکنالوجی بورڈ کی جانب سے ایک بیان میں کہا گیا ہے کہ این آئی ٹی بی کا تیار کردہ ڈیجیٹل “کابینہ پورٹل” گورننس میں جدت اور بہتری لانے کے ساتھ ساتھ کابینہ اراکین کے قیمتی وقت کو بچانے میں بھی معاون ثابت ہو گا، پورٹل کی مدد سے کابینہ اجلاس میں کاغذ کا استعمال ختم ہو گا جو کہ پاکستان کے مستقبل کے لئے خوش آئند ہے۔
First time in the history of Pakistan, PM @ImranKhanPTI conducted Cabinet Meeting today completely paperless on Digital Tablets.
A giant step taken today towards digital automation of Cabinet Procedures.
Great work by @NationalITBoard team and relentless support by @ansukhera pic.twitter.com/TwVCFy43QV
— Shabahat Ali Shah (@ShabahatAShah) May 25, 2021
نیشنل انفارمیشن ٹیکنالوجی بورڈ کے چیف ایگزیکٹو آفیسر (سی ای او) صباحت علی شاہ نے اپنی ٹویٹ میں کہا کہ ’ملکی تاریخ میں پہلی بار وزیراعظم عمران خان نے کابینہ کے پیپرلیس اجلاس کی صدارت کی جس میں ڈیجیٹل ٹیبلٹس کا استعمال کیا گیا، یہ کابینہ کی کارروائی کی ڈیجیٹل آٹومیشن کی جانب ایک بڑا قدم ہے۔‘
کابینہ کا یہ اجلاس ڈیجیٹل آٹومیشن کی جانب واقعی پہلا لیکن بہت بڑا قدم ہے جس کی تقلید کرکے دیگر سرکاری محکمے ڈیجیٹل پاکستان کے وزیراعظم عمران خان کے ویژن کو عملی جامہ پہنا سکتے ہیں۔
واضح رہے کہ وفاقی و صوبائی کابینہ سمیت سرکاری محکموں کے سالانہ منعقد ہونے والے سینکڑوں اجلاسوں میں کاغذ کے استعمال اور پرنٹنگ پر کروڑوں روپے خرچ ہوتے ہیں جس کا بوجھ ٹیکس دہندگان پر پڑتا ہے، تاہم ڈیجیٹلائزیشن کے عمل سے ان اخراجات کو ختم کیا جا سکتا ہے۔
