کراچی: گزشتہ ہفتہ کے دوران ملکی زرمبادلہ کے ذخائر میں پانچ کروڑ 66 لاکھ ڈالر کا اضافہ ریکارڈ کیا گیا ہے۔
سٹیٹ بینک آف پاکستان کے مطابق 29 جنوری کو ختم ہونے والے ہفتہ پر مرکزی بینک کے ذخائر تین کروڑ 28 لاکھ ڈالر اضافے سے دوبارہ 13 ارب ڈالر کی سطح عبور کر کے 13 ارب تین کروڑ 12 لاکھ ڈالر ریکارڈ کئے گئے۔
اسی طرح کمرشل بینکوں کے ذخائر میں دو کروڑ 38 لاکھ ڈالر اضافہ ہوا اور یہ بڑھ کر سات ارب 13 کروڑ 19 لاکھ ڈالر کی سطح پر پہنچ گئے۔
اعدادوشمار کے مطابق 29 جنوری کو ختم ہونے والے ہفتہ میں پاکستان کے زرمبادلہ کے مجموعی ذخائر 20 ارب 10 کروڑ 65 لاکھ ڈالر کی سطح سے بڑھ کر 20 ارب 16 کروڑ 31 لاکھ ڈالر تک پہنچ گئے۔
