’سرخ سونا‘: ایران دنیا کو 94 فیصد زعفران برآمد کرنے والا ملک

رواں سال کے ابتدائی تین ماہ میں 52 سے زائد ممالک کو 37 ہزار 654 کلوگرام زعفران برآمد کیا جس کی مالیت 38 ملین 579 ہزار 816 ڈالر ہے

117

تہران: زعفران کو دنیا سرخ سونا کہتی ہے اور یہ عالمی مارکیٹ میں سونے کی طرح مہنگا بھی فروخت ہوتا ہے لیکن دنیا میں سب سے زیادہ زعفران ایران میں کاشت کیا جاتا ہے اور وہی اس کا سب سے بڑا برآمد کنندہ بھی ہے۔

ایران نے رواں سال کے صرف تین ماہ میں ہانک کانگ، سپین، متحدہ عرب امارات، اٹلی، کوریا، سوئیڈن، فرانس اور چین کو سب سے زیادہ زعفران برآمد کرکے دنیا میں پہلی پوزیشن پر جگہ بنا لی۔

Iranian Saffron Farm Tour

ایران نے رواں سال کے ابتدائی تین مہینوں کے دوران 52 سے زائد ممالک کو 37 ہزار 654 کلوگرام زعفران برآمد کیا۔

Iranian Saffron Tour

ایرانی کسٹم ادارے کے ڈائریکٹر سید روح اللہ لطیفی نے بتایا کہ برآمد شدہ زعفران کی مالیت 38 ملین 579 ہزار 816 ڈالر ہے اور سب سے زیادہ یعنی 12 ٹن 734 کلوگرام ہانک کانگ کو برآمد کیا گیا جس کی مالیت 14 ملین 403 ہزار 355 ڈالر ہے۔

vanity_fair_moroccan_women_handpicking_saffron_pistils_medicine_hunter_main

اس کے بعد سپین اور متحدہ عرب امارات کی باری آتی ہے جن کو بالترتیب 9 ٹن 198 کلوگرام اور 3 ٹن 485 کلوگرام زعفران برآمد کیا گیا ہے۔

103

انہوں نے مزید کہا کہ دنیا میں زعفران کی زیر کاشت اراضی کے 122 ہزار ایکڑ میں سے 115 ہزار ایکڑ کا حصہ ایران سے متعلق ہے یعنی ایران میں دنیا کے 94 فیصد کے زعفران کو تیار کیا جاتا ہے۔

Iran expanding saffron cultivation area by 5,000 hectares a year: Official

انہوں نے کہا کہ گزشتہ سال کے دوران ایران میں 500 ٹن زعفران کی پیداوار ہوئی اور اس کے 80 فیصد حصے کو بھی بیرون ملک برآمد کیا گیا۔

عالمی مارکیٹ میں ایرانی زعفران کی بڑھتی ہوئی طلب کے پیش نظر ہر سال اس کی کاشت کے رقبہ میں پانچ ہزار ہیکٹر اضافہ ہو رہا ہے۔

جواب چھوڑیں

Please enter your comment!
Please enter your name here