ادویہ سازی کی صنعت کی برآمدات میں 20.11 فیصد اضافہ

360

اسلام آباد: رواں مالی سال کے پہلے ماہ جولائی 2020 کے دوران ادویہ سازی کی صنعت کی برآمدات میں 20.11 فیصد اضافہ ہوا۔

ادارہ برائے شماریات پاکستان (پی بی ایس) کے اعدادوشمار کے مطابق جولائی 2020ء کے دوران برآمدات کا حجم 24.526 ملین روپے تک بڑھ گیا جبکہ جولائی2019ء کے دوران شعبہ کی برآمدات سے 20.419 ملین ڈالر زرمبادلہ کمایا گیا تھا۔

اس طرح جولائی 2019ء کے مقابلہ میں جولائی 2020ء کے دوران ادویہ سازی کی صعنت کی برآمدات میں4.107 ملین ڈالر یعنی 20 فیصد سے زیادہ کا اضافہ ریکارڈ کیا گیا۔

پی بی ایس کے مطابق بالحاظ وزن برآمدات میں 31.24 فیصد اضافہ سے برآمدات 1181 میٹرک ٹن کے مقابلے میں 1550 میٹرک ٹن تک بڑھ گئیں۔

پی بی ایس کے مطابق جون 2020ء کے مقابلہ میں جولائی 2020ء کے دوران برآمدات میں 38.13 فیصد اضافہ ریکارڈ کیا گیا۔ جون 2020ء میں برآمدات کا حجم 17.756 ملین ڈالر تھا جو جولائی 2020ء میں 24.526 ملین ڈالر تک بڑھ گیا۔

جواب چھوڑیں

Please enter your comment!
Please enter your name here