عوام کو دی جانے والی سبسڈیوں پر نظرثانی کرکے مزید بہتر بنایا جائے : وزیراعظم

اسلام آباد : وزیراعظم عمران خان نے مشیر خزانہ حفیظ شیخ کو وفاقی حکومت کی جانب سے فراہم کی جانے والی سبسڈیوں پر نظرثانی کرنے اور انہیں مؤثر بنانے سے متعلق سفارشات پیش کرنے کی ہدایت کی ہے۔

معیشت کے حوالے سے ایک تھنک ٹینک کے اجلاس میں بات کرتے ہوئے وزیراعظم عمران خان کا کہنا تھا کہ عوام تک بھرپور فائدہ پہنچانے اور شفافیت کے لیے سبسڈیوں پر نظرثانی اشد ضروری ہے۔

یہ بھی پڑھیے:

نوجوانوں کی فلاح کے منصوبے کامیاب جوان پروگرام کے فیز ٹو کو منظوری مل گئی

رواں برس موبائل فونز کی درآمد میں 81 فیصد اضافہ، مالی حجم 1 ارب 37کروڑڈالر

انکا کہنا تھا کہ حکومت کی جانب سے دی جانے والی ان سبسڈیوں کا مقصد غریب اور مستحق افراد کی مدد کرنا ہے۔

انہوں نے مزید کہا کہ عوام کو بجلی، گیس، یوٹیلٹی سٹورز اور دیگر معاملات پر سبسڈی دینے کے لیے احساس ایمرجنسی کیش پروگرام کے ڈیٹا بیس سے مدد لی جائے۔