اسلام آباد: چئیرمین سی پیک اتھارٹی لیفٹیننٹ جنرل (ر) عاصم سلیم باجوہ نے کہا ہے کہ سکھر- حیدرآباد (ایم6) موٹروے پراجیکٹ اندورنِ سندھ میں ترقیاتی انقلاب لائے گا۔
سماجی رابطوں کی ویب سائٹ پر لیفٹیننٹ جنرل (ر) نے کہا کہ 306 کلومیٹر ہائی وے کی منظوری ایک نیشنل اکانومک کونسل(این سی سی) کی ایگزیکٹو کمیٹی کے اجلاس میں دی گئی، مذکورہ منصوبہ build-operate-transfer (بی او ٹی) کی بنیاد پر تعمیر کیا جائے گا۔
بی او ٹی کا ماڈل ایک لارج سکیل انفراسٹرکچر پراجیکٹس پر مشتمل ہے جہاں نجی ادارے پبلک سیکٹر سے فنانس، ڈیزائن، تعمیر اور آپریٹ کی سہولت کے لیے رعایت وصول کرتے ہیں۔
انہوں نے کہا کہ منصوبے کی تعمیر کے پیش نظر سی پیک کا مشرقی روڈ میپ (پشاور سے کراچی) تک مکمل کیا جائے گا۔
سلیم باجوہ نے مزید کہا کہ منصوبہ مشرقی بلوچستان سے ملک بھر کے موٹرویز کے جال سے منسلک ہو گا۔
