سڈنی: امریکہ کے محکمہ ٹرانسپورٹیشن کا کہنا ہے کہ فیڈرل ایوی ایشن ایڈمنسٹریشن (ایف اے اے) نےپاکستانی پائلٹوں کے جعلی لائسنسز کے معاملے پر تحفظات کے سبب پاکستان انٹرنیشنل ائیرلائنز (پی آئی اے) کو امریکہ میں چارٹرفلائٹس چلانے سے روک دیا ہے۔
محکمے کی جانب سے پی آئی اے کی چارٹر پروازوں پر پابندی کی یہ معلومات برطانوی خبررساں ایجنسی کو یکم جولائی کو فراہم کی گئی تھی۔
پاکستان نے گزشتہ ماہ مشتبہ لائسنس کی بنا پر اپنے ایک تہائی پائلٹوں کو گراؤنڈ کردیا تھا۔
یورپین یونین ایوی ایشن سیفٹی ایجنسی نے پی آئی اے کی پروازوں کا اجازت نامہ منسوخ کرتے ہوئے چھ ماہ کی پابندی عائد کی تھی۔
پی آئی اے کے کراچی میں طیارہ حادثے کے بعد منظرِ عام پر آنے والی تحقیقاتی رپورٹ میں پائلٹوں کی اہلیت اور جعلی لائنسنسز کے بارے انکشاف ہوا تھا جس کے بعد کئی ممالک میں پی آئی اے کی پروازوں کو پابندی کا سامنا کرنا پڑ رہا ہے۔
