اسلام آباد: غربت کے خاتمے اور سماجی تخفظ کے لیے وزیراعظم عمران خان کی معاون خصوصی ڈاکٹر ثانیہ نشتر نے کہا ہے کہ احساس پروگرام کے تحت 9 اپریل سے 4.444 ملین مستحق خاندانوں کے مابین 53.336 ارب روپے تقسیم کیے جا چکے ہیں۔
سماجی رابطوں کی ویب سائٹ ٹویٹر پر ثانیہ نشتر نے حال ہی میں کہا ہے کہ” 9 اپریل 2020 سے احساس ایمرجنسی کیش پروگرام کی ادائیگی جاری ہے ضرورت مند 12 لاکھ خاندانوں کو 12 ہزار روپے مالی امداد فی خاندان دی جارہی ہیں، 4.444 ملین سے زیادہ خاندانوں کو 53.336 ارب روپے امداد دی گئی ہے”۔
انہوں نے کہا کہ ان دنوں کورونا وائرس بحران کی وجہ سے دیہاڑی دار طبقہ روزی کمانے کے قابل نہیں ہے اسی لیے انہیں 12 ہزار روپے دیے جائیں گے تاکہ وہ اگلے مہینوں کے لیے راشن خرید کر گھرمیں محفوظ رہ سکیں۔
