گھریلو صارفین کو مارچ کے گیس بل قسطوں میں جمع کرانے کی اجازت

321

لاہور: ملک میں کورونا وائرس پھیلنے کے پیش نظر اور وفاقی حکومت کی ہدایات کے تحت سوئی ناردرن گیس پائپ لائن لمیٹڈ (ایس این جی پی ایل) نے گھریلو صارفین کو گیس بل قسطوں میں جمع کرانے کی اجازت دے دی ہے۔

ترجمان ایس این جی پی ایل کے مطابق کمپنی نے مارچ کے مہینے کے بلوں کی تقسیم قسطوں کی بنیاد پر کرنا شروع کر دی ہے۔

ترجمان نے مزید کہا کہ وہ صارفین جنہیں مارچ کے بل قسطوں میں ادائیگی کے بغیر موصول ہوئے ہیں، وہ کسی بھی بینک کی برانچ میں بل کی ادائیگی قسطوں میں کروا سکتا ہے۔

یہ بھی پڑھیے:

کورونا کی وجہ سے کاروبار بند، حکومت تین ماہ کیلئے بجلی، گیس کے بل معاف کرے

کورونا ریلیف پیکیج کی فراہمی یقینی بنائیں گے، گیس ٹیرف میں اضافہ نہیں کیا جائے گا، وزیراعظم عمران خان

اس حوالے سے ایس این جی پی ایل نے تمام بینکوں کو آگاہ کر دیا ہے۔

یہاں یہ بتانا بھی ضروری ہے کہ یہ سہولت صرف گھریلو صارفین کو فراہم کی گئی ہے اور جن صارفین کو دوہزار روپے سے زائد گیس کا بل آیا انہیں جنرل سیلز ٹیکس سے بھی استثنا دیا جائے گا۔

جواب چھوڑیں

Please enter your comment!
Please enter your name here