کورونا وائرس: نشاط ملز لمیٹڈ، ملت ٹریکٹرز کا پیداواری پلانٹس اور دفاتر بند کرنے کا اعلان

366

لاہور: کورونا وائرس اور لاک ڈائون کی وجہ سے پاکستان سمیت دنیا بھر میں کمپنیوں اور کاروباروں کو عارضی بندش کا سامنا ہے اور اکثر ادارے ملازمین کو گھر سے کام کرنے کی ہدایت کر چکے ہیں۔

اب پاکستان میں ٹیکسٹائل سیکٹر کے نمایاں ادارے نشاط ملز لمیٹڈ نے بھی کورونا وائرس کے پھیلائو کے خدشات کے پیش نظر عارضی طور پر اپنے تمام پلانٹس فوری بند کردئیے ہیں۔

پاکستان سٹاک ایکسچینج کو لکھے گئے خط میں نشاط ملز لمیٹڈ کی جانب سے کہا گیا ہے کہ پلانٹس کی بندش کا فیصلہ کورونا وائرس کے باعث حالیہ ملکی اور عالمی صورت حال اور لاک ڈائون کی وجہ سے کیا گیا ہے۔

یہ بھی پڑھیں:

کورونا وائرس کا خوف: موبائل ورلڈ کانگریس کے بعدگیم ڈیویلپرز کانفرنس اور جنیوا انٹرنیشنل موٹرز شو بھی منسوخ

کورونا وائرس،ہنڈا اٹلس نے پاکستان میں شورومز، دفاتراور فیکٹریاں بند کردیں

آٹوموبائل سے ایوی ایشن انڈسٹری تک سب معاشی بحران کا شکار، مختلف ہنگامی اقدامات کرنے پرغور

دوسری جانب ٹریکٹر بنانے والی پاکستانی کمپنی ملت ٹریکٹرز نے بھی اعلان کیا ہے کہ وہ اپنا پروڈکشن پلانٹ اور دفاتر لاک ڈائون کی مدت ختم ہونے تک بند کر رہے ہیں۔

سٹاک ایکسچینج کو جاری کردہ بیان میں ملت ٹریکٹرز کی جانب سے کہا گیا ہے کہ جب حکومت لاک ڈائون ختم کرنے کا اعلان کرے گی تو ہم دوبارہ کام شروع کردیں گے۔

واضح رہے کہ پاکستان میں کام کرنے والی آٹو کمپنیاں بھی اپنے پروڈکشن پلانٹس اور دفاتر بند کرنے کا اعلان کرچکی ہیں۔

اس وقت چاروں صوبوں، وفاقی دارالحکومت، گلگت بلتستان اور پاکستان کے زیر انتظام کشمیر میں کہیں جزوی تو کہیں مکمل لاک ڈائون کیا گیا ہے اور صرف میڈیکل سٹورزاور اشیائے خورونوش کی دکانیں کھولنے کی اجازت ہے۔

 کورونا وائرس کے باعث پاکستان میں پاکستان میں اموات کی تعداد 19 تک پہنچ گئی ہے جب کہ متاثرہ مریضوں کی تعداد بھی بڑھ کر 1670 ہو گئی ہے۔ وائرس سے اب تک 51 افراد صحت یاب بھی ہو چکے ہیں۔

جواب چھوڑیں

Please enter your comment!
Please enter your name here