اینگرو فرٹیلائزر نے یوریا کی قیمت میں مزید 240 روپے کمی کردی

621

اسلام آباد: کورونا وائرس ملکی معیشت کو بری طرح متاثر کر رہا ہے جس کے بعد اکثر اشیاء کی قیمتوں میں اضافہ ہو گیا ہے تاہم اینگرو فرٹیلائزر نے یوریا کھاد کی قیمت مزید 240 روپے فی بوری کمی کر دی ہے۔

کمپنی کی جانب سے جاری کردہ بیان میں کہا گیا ہے کہ یوریا کی قیمت میں حالیہ قیمت میں کمی کے بعد رواں سال مجموعی طور پر 400 روپے فی بوری کمی کی جا چکی ہے۔

اس سے قبل گیس سیس ختم ہونے پر اینگرو نے یوریا کی قیمت میں 150 روپے کمی کی تھی۔

یہ بھی پڑھیے:

گیس سیس میں کمی، فرٹیلائزر کمپنیوں نے کھاد سستی کردی، لیکن کیا فوائد کسانوں تک پہنچ سکیں گے؟

گیس انفراسٹرکچر ڈویلپمنٹ سیس کی اصل کہانی کیا ہے؟

کمپنیاں کھاد سستی نہ کریں تو گیس بند کردی جائے، وزیر اعظم عمران خان سخت ناراض

پنجاب کا رحجان زراعت کی بجائے کس جانب جا رہا ہے

اینگرو نے کہا ہے کہ کورونا وائرس نے ناصرف عالمی بلکہ پاکستانی معیشت کو بھی شدید متاثر کیا ہے، بطور ایک ذمہ دار کمپنی ہم قوم پر اس کے منفی اثرات کم کرنے کیلئے پرعزم ہیں اس لیے ملک کے سب سے بڑے روزگار کے شعبہ یعنی زراعت کو ریلیف دینے کیلئے یوریا کی قیمت کم کی گئی ہے۔

کمپنی کے بیان میں کہا گیا ہے کہ کسانوں کو شدید مسائل کا سامنا ہے، اس مشکل کھڑی میں اینگرو قوم اور حکومت کیساتھ ہے اور خوراک کا تحفظ یقینی بنانے کیلئے پرعزم ہے۔

اینگرو کی جانب سے یوریا کی قیمتوں میں حالیہ کمی کے بعد فی بوری قیمت 1600 روپے ہو گئی ہے۔

جواب چھوڑیں

Please enter your comment!
Please enter your name here