کورونا وائرس: عالمی ایوی ایشن انڈسٹری  شدید متاثر، 113 ارب ڈالر نقصان کا خدشہ

164

نیویارک: کورونا وائرس جہاں دنیا بھر کی معیشت اور سٹاک مارکیٹوں کو شدید متاثر کر رہا ہے وہیں ایوی ایشن انڈسٹری بھی اس کے منفی اثرات کی زد میں ہے ۔

ایک رپورٹ کے مطابق دنیا کی ایوی ایشن انڈسٹری کو 113 ارب ڈالر نقصان اٹھانا پڑ سکتا ہے اور یہ نقصان اتنا ہی بھاری ہے جتنا 2008 کے عالمی معاشی بحران کے وقت دنیا بھر کی ائیر لائنز کو اٹھانا پڑا تھا۔

حال ہی میں یورپ کی واحد آزاد ائیرلائن Flybe دیوالیہ ہو گئی ہے جس کے بعد ماہرین خدشہ ظاہر کر رہے ہیں کہ کورونا وائرس کی وجہ سے مزید فضائی کمپنیاں معاشی مسائل کا شکار ہو سکتی ہیں۔

یہ بھی پڑھیے:کورونا وائرس: ایران کی کرنسی نوٹوں کم استعمال کرنے کی ہدایت، امریکاکے پاس ٹیسٹنگ کٹس ناکافی

جنوری میں Flybe دیوالیہ پن سے بہ مشکل محفوظ رہی تھی جب برطانوی حکومت نے ہوائی سفر کرنے والوں سے مختلف قسم کے ٹیکسز کی وصولی پر نظر ثانی کا عندیہ دیا تھا ، ائیرلائن نے حکومت سے 100 ملین یورو قرضہ بھی مانگا تھا تاہم برطانوی حکومت نے قرضہ دینے سے انکار کردیا جس کے بعد ائیرلائن نے پروازیں بند کردی ہیں۔

Image result for aviation

چین کے علاوہ دیگر ممالک میں وائرس کے پھیلائو کی وجہ سے ہوائی سفر کرنے والوں کی تعداد میں خاطر خواہ کمی آئی ہے جس کی وجہ سے پہلے سے مسائل کا شکار ائیرلائنز کی مشکلات مزید بڑھ گئی ہیں۔

یہ بھی پڑھیے:آئی ایم ایف کا کورونا وائرس کا مقابلہ کرنے کے لیے 50 ارب ڈالر فراہم کرنے کا اعلان

انٹرنیشنل ائیر ٹرانسپورٹ ایسوسی ایشن (آئی اے ٹی اے) نے ایک رپورٹ میں بتایا ہے کہ مسافروں کی تعداد میں کمی وجہ سے فضائی کمپنیوں کو 63 ارب ڈالر سے لے کر 113 ارب ڈالر کا خسارہ ہو سکتا ہے۔

ناروے کی نارویجن ائیرلائن کے ساتھ ساتھ فرانسیسی Aigle Azur ائیر لائن اور XL ائیرویز جبکہ سلووینیا کی Adria ائیرویز کو بھی مالی مشکلات کا سامنا ہے۔

دوسری جانب ٹریول اینالیٹکس کمپنی Forwardkey کا کہنا ہے کہ کورونا وائرس کی وجہ سے دنیا بھر سے یورپ کی جانب نئی فلائٹس کی بکنگ میں 79 فیصد کمی آئی ہے۔

جواب چھوڑیں

Please enter your comment!
Please enter your name here