سونے کی قیمت میں 400 روپے فی تولہ کمی

292

کراچی: سونے کی قیمت میں چار سو روپے فی تولہ کمی کے بعد آج یہ 94,750 روپے فی تولہ فروخت ہوتا رہا جس کی قیمت اس سے قبل 95,150 روپے فی تولہ تھی۔ کراچی صرافہ ایسوسی ایشن کے مطابق، سونے کی 10 گرام قیمت گزشتہ روز 343 روپے کم ہو کر 81,233 روپے فی 10 گرام ہو گئی۔

سونے کی قیمتوں میں گزشتہ 10 روز سے ایک تسلسل کے ساتھ عالمی سطح پر کمی کی وجہ یہ ہے کہ تاجر اب منافع کمانے کی جانب متوجہ ہو گئے ہیں  جب کہ کورونا وائرس کے باعث عالمی اکویٹیز میں بھی کمی آئی ہے۔ تجزیہ کار یہ یقین رکھتے ہیں کہ سونے کی قیمتوں میں کمی کی وجہ منافع حاصل کرنا ہے کیوں کہ اس قیمتی دھات کی قیمت گزشتہ سات ہفتے کی بلند ترین سطح پر پہنچ چکی ہے۔

مزید پڑھیں: عالمی مارکیٹ میں قیمت بڑھنے سے پاکستان میں سونا 86 ہزار 800 روپے فی تولہ کی بلند ترین سطح پر پہنچ گیا

تجزیہ کار کہتے ہیں کہ دھات کی اہمیت کیش کی طرح بڑھ گئی تھی جس کے باعث یہ چارٹ پر غیر معمولی طور پر نمایاں ہو گیا۔ انہی وجوہ کے باعث مارکیٹ میں اس کی قیمتوں میں کمی کا امکان پیدا ہوا ہے۔

مزید پڑھیں: پاکستان سمیت دنیا بھر میں سونا مزید مہنگا، تیل سستا

جیسا کہ اب اس کی قیمت کم ہو کر 1,659 ڈالر ہو گئی ہے جو  ایک اہم پیشرفت ہے اور یہ منڈی کے لیے ایک مضبوط اشارہ بھی ہے۔

جیسا کہ کورونا وائرس کے معاملات ابھرنا شروع ہوئے تو ایکویٹیز اور تیل کی قیمتوں میں بھی کمی آئی۔ تجزیہ کار یہ یقین رکھتے ہیں کہ منافع حاصل کرنے کے بعد سونے کی قیمتوں میں ممکنہ طور پر اضافے کا امکان ہے۔

جواب چھوڑیں

Please enter your comment!
Please enter your name here