پاکستان کیساتھ صرف ’اچھے تعلقات‘، بھارت کیساتھ 3 ارب ڈالر کے فوجی معاہدے

77

نئی دہلی: امریکا نے بھارت کیساتھ دفاعی سازوسامان کی فروخت کے تین ارب ڈالر کے معاہدے کرلیے۔

امریکی صدر ڈونلڈ ٹرمپ نے اپنے دورہ بھارت کے آغاز میں احمد آباد میں ریلی سے خطاب میں کہا تھا کہ وہ اپنے حالیہ دورہ کے دوران بھارت کو فوجی سازوسامان کی فروخت کے لیے تین ارب ڈالر کے معاہدے کریں گے۔

ٹرمپ نے کہا کہ امریکا جہازوں، میزائلوں، راکٹوں سمیت بہترین ہتھیار بنا رہا ہے، ہم بھارت کے ساتھ ڈیل کر رہے ہیں جس میں جدید ترین ائیر ڈیفنس سسٹم ، فوجی و غیر فوجی گاڑیاں بھی شامل ہیں۔

گزشتہ ہفتے بھارتی کابینہ نے اپنی نیوی کیلئے امریکی کمپنی لاک ہیڈ مارٹن سے 24 ملٹی رول ایم ایچ 60 آر سی ہاک میری ٹائم ہیلی کاپٹر ز خریدنے کی منظوری دی ہے۔

یہ بھی پڑھیے:

بھارت نے اچھا سلوک نہیں کیا،معلوم نہیں تجارتی معاہدہ ہوپائے یا نہیں: ڈونلڈ ٹرمپ

امریکہ چین تجارتی تنازعہ، ڈونلڈ ٹرمپ دھمکیوں پر اتر آئے

بھارتی حکومت کا مقبوضہ کشمیر میں 6 ہزار ایکڑ زمین سرمایہ کاروں کو فراہم کرنے کا منصوبہ

اس سے قبل امریکی محکمہ خارجہ نے بھی بھارت کو 1.8 ارب ڈالر کے ہتھیاروں کی فروخت کی منظوری دی تھی جس میں ائیر ڈیفنس سسٹم، ریڈار، میزائل ، رائفلیں وغیرہ شامل ہیں۔

ٹرمپ نے یہ بھی  کہا کہ رواں سال کے آخر تک بھارت کے ساتھ تجارتی معاہدہ طے پا جائے گاتاہم کسی حتمی تاریخ کا اعلان نہیں کیا۔

Donald Trump, Wife Melania\'s India Visit So Far In Photos
احمد آباد: بھارتی وزیر اعظم نریندر مودی اور امریکی صدر ڈونلڈ ٹرمپ کرکٹ سٹیڈیم میں موجود ہیں

انہوں نے کہا ، ’’دوطرفہ تجارت اور سرمایہ کاری میں پائی جانے والی رکاوٹوں کو دور کرنے کیلئے ہم بات چیت کے ابتدائی مراحل میں ہیں، میں اس حوالے سے کافی پرامید ہوں ، ہم اس حوالے سے مل کر کام جاری رکھے ہوئے ہیں اور جلد ہی وزیر اعظم مودی کیساتھ کسی ڈیل پر  پہنچ سکتے ہیں جو دونوں ممالک کیلئے بہترین ثابت ہوگی۔‘‘

اس کے علاوہ اپنے دورہ بھارت کے دوران ڈونلڈ ٹرمپ نے مسئلہ کشمیر پر جہاں اپنی ثالثی کی پیشکش تیسری بار دہرائی وہی انہوں نے شہریت کے متنازع قانون  پر دہلی میں حالیہ پرتشدد واقعات کو بھارت کا اندرونی معاملہ قرار دیا۔

اس سے قبل منگل کو احمد آباد میں ’’نمستے ٹرمپ ‘‘ کے اجتماع سے خطا ب کرتے ہوئے امریکی صدر نے کہا کہ پاکستان کیساتھ تعلقات  بہت اچھے ہیں، جنوبی ایشیا میں امن کے حوالے سے بڑی پیشرفت دیکھ رہے ہیںْ

جواب چھوڑیں

Please enter your comment!
Please enter your name here