کاروبار کرنے کے لیے آسانی پیدا کرنا حکومت کی اولین ترجیح، وزیراعظم عمران خان

127

اسلام آباد: وزیراعظم عمران نے کہا ہے کہ کاروبار کرنے کے لیے آسانی پیدا کرنا اور سیاحت کا فروغ حکومت کی اہم ترین ترجیحات میں شامل ہے۔

انہوں نے ان خیالات کا اظہار اسلام آباد میں معروف ایڈوائرری و کنسلٹنٹ کمپنی مکینسی کیون سنیڈر کے مینجنگ ڈائریکٹر سے بات کرتے ہوئے کیا۔

مزید پڑھیں: سی پیک کے دوسرے مرحلے میں منصوبے تیزی سے مکمل کیے جائیں: وزیراعظم عمران خان

وزیراعظم عمران خان نے کہا، موجودہ حکومت کاروباری برادری کو ہر ممکنہ سہولت فراہم کرنے کے لیے پرعزم ہے تاکہ ملک میں معاشی سرگرمیوں کو فروغ دیا جا سکے۔ انہوں نے کہا، انہی اقدامات سے سماجی و معاشی ترقی کا ہدف پانا ممکن ہو سکے گا۔

وزیراعظم نے سیاحت کے حوالے سے بات کرتے ہوئے کہا، پاکستان میں سیاحت کی صنعت کے فروغ کے حوالے سے غیر معمولی مواقع موجود ہیں۔ انہوں نے کہا، سیاحت کی صنعت ناصرف بیرونی زرمبادلہ کے حصول میں معاون ثابت ہو گی بلکہ نوجوانوں کے لیے ملازمت کے مواقع بھی پیدا ہوں گے۔ انہوں نے کہا، سیاحت اور بالخصوص انفراسٹرکچر کی ترقی کے لیے مکینسی کی رائے کو خوش آمدید کہا جائے گا۔

مزید پڑھیں: ڈیووس: وزیراعظم عمران خان کی فیس بک کو پاکستانی سٹارٹ اپس اور انکیوبیٹرز میں سرمایہ کاری کی دعوت

عمران خان نے کہا کہ ماضی کے حکمرانوں کی غلط پالیسیوں اور بدانتظامی کے باعث عوام کو مشکلات سہنی پڑ رہی ہیں۔ ان کا مزید کہنا تھا، توانائی کے شعبہ میں نقصانات کی کمی اور عوام کا بوجھ کم کرنا حکومت کی اولین ترجیح ہے۔

جواب چھوڑیں

Please enter your comment!
Please enter your name here