یو این ڈی پی اور بائیکو پٹرولیم کے درمیان مفاہمت کی یادداشت پر دستخط

ملک بھر میں بائیکو اسٹیشنز پر گاڑیاں دھونے کے لئے واٹر ری سائیکلنگ پلانٹ کی تنصیب کی جائے گی

298

اسلام آباد: اقوام متحدہ کے ترقیاتی پروگرام (یو این ڈی پی) اور بائیکو پٹرولیم پاکستان لمیٹڈ (بی پی پی ایل) نے مفاہمت کی یادداشت پر دستخط کئے ہیں جس سے گاڑیاں دھونے کے لئے سروس اسٹیشنز پر پانی کے ضیاع کو روکا جاسکے گا۔ یو این ڈی پی کے حکام نے کہا ہے کہ سروس اسٹیشنز پر استعمال شدہ پانی کی ری سائیکلنگ کے لئے کم خرچ اور جدید ترین پلانٹ تیار کیا گیا ہے جس سے 5 ہزار لیٹر پانی کو دوبارہ قابل استعمال بنایا جاسکتا ہے۔
انہوں نے کہا کہ پاکستان کو آبی قلت کے مسائل کا سامنا ہے اور گاڑیاں دھونے والے سٹیشنز پر پانی کا بے دریغ استعمال کیا جارہا ہے جس سے پانی ضائع ہو جاتا ہے۔ انہوں نے کہا کہ ری سائیکلنگ کی سہولت سے پانی کو ضائع ہونے سے بچایا جاسکے گا اور اس کو ری سائیکل کرکے بار بار قابل استعمال بنایا جاسکتا ہے۔
انہوں نے کہا کہ بائیکو نے اپنے ریٹیل آئوٹ لیٹس پر اس سہولت سے استفادہ کا فیصلہ کیا ہے جس کے بعد دونوں اداروں نے مفاہمت کی یادداشت پر باقاعدہ دستخط کئے ہیں جس سے ملک بھر میں بائیکو اسٹیشنز پر گاڑیاں دھونے کے لئے واٹر ری سائیکلنگ پلانٹ کی تنصیب کی جائے گی۔
بائیکو کے نائب صدر اظفر سعید بیگ نے کہا ہے کہ یو این ڈی پی سے شراکتداری خوش آئند ہے۔ انہوں نے کہا کہ ہم ملک بھر میں بائیکو کے ریٹیل آئوٹ لیٹس پر ری سائیکلنگ پلانٹس نصب کریں گے جس سے آبی وسائل کی بچت ہوگی۔ انہوں نے مزید کہا کہ ہم یو این ڈی پی کے ساتھ مستحکم شراکتداری کے لئے پر امید ہیں تاکہ پائیدار ترقی کی شق 6 آبی بچت کو یقینی بنایا جاسکے۔

جواب چھوڑیں

Please enter your comment!
Please enter your name here