آن لائن سفری سہولیات فراہم کرنے والی کمپنیوں اوبر اور کریم نے منگل کے روز ایک پیغام کے ذریعے صارفین کو مطلع کیا کہ اوبر نے 3.1 بلین ڈالر کے عوض مشرقِ وسطی سے پاکستان تک کریم کے کاروبار کو خرید لیا ہے۔ تاہم کریم کو اس کے موجودہ انتظام کے تحت ایک آزاد برانڈ کے طور پر کام کرنے کی اجازت دی گئی ہے۔
کریم کا آغاز 2012 میں ہوا تھا اور یہ مشرقِ وسطیٰ اور افریقہ سے لے کر ایشا تک 15 ممالک میں آن لائن رائڈ کی سروس فراہم کرتی ہے۔
کریم اعلامیہ کے مطابق کریم اب مکمل طور پر اوبر کی ملکیت بن گیا ہے تاہم کمپنی کریم برانڈ کے نام پر ہی چلے گی، دونوں کمپنیز کےلیے تیزی سے بڑھنے کے مواقع پیدا ہوں گے۔
Today, we start Chapter 2 of our story. Careem is joining forces with Uber to better serve the region
We will operate independently, so the app, services and brand you love will continue to be available as usual.
For more details, visit https://t.co/1eGk5u6d1w pic.twitter.com/xn53Q9iyLI
— Careem (@careem) March 26, 2019
اوبر کی جانب سے جاری اعلامیے میں کہا گیا کہ اوبر اور کریم 3؍ ارب 10؍ کروڑ ڈالر (تقریباً 4؍ کھرب 35؍ ارب پاکستانی روپے سے زائد) کے معاہدے پر پہنچ گئے ہیں جس کے تحت ایک ارب 40؍ کروڑ ڈالر نقد جبکہ ایک ارب 70؍ کروڑ ڈالر شیئرز کی صورت میں ادا کیے جائیں گے اور یہ ٹرانزیکشن آئندہ سال 2020ء کی پہلی سہ ماہی تک مکمل ہونے کا امکان ہے۔ کمپنی اعلامیہ کے مطابق اوبر نے مراکش سے لے کر پاکستان بشمول مصر، اردن، پاکستان، سعودی عرب اور متحدہ عرب امارات سمیت تمام بڑی مارکیٹوں کے ساتھ مشرق وسطی کے بڑے علاقوں میں کریم کی تمام نقل و حرکت، ترسیل اور کاروباری ملکیت حاصل کر لی ہے۔ بالآخرکریم اپنے برانڈ کو محفوظ رکھتے ہوئے اوبرکی مکمل ملکیتی ماتحت ادارہ بن گیاہے۔کریم کے شریک بانی اور سی ای او مدثر شیخا ،کریم کی کاروباری قیادت سنبھالیں گے اور اپنے ہی تشکیل کردہ بورڈجس میں تین نمائندے اوبرسے اور 2؍ نمائندے کریم سے شامل ہوں گے۔
اوبر کے چیف ایگزیکٹیو دارا خوسروشاہی کا اپنے پیغام میں کہنا تھا کہ اوبر کے لیے یہ ایک اہم لمحہ ہے، ہم دنیا بھر میں اپنے پلیٹ فارم کی طاقت بڑھانے کا عمل جاری رکھیں گے۔
We're proud to announce we’ve agreed to acquire @Careem, one of the Middle East’s most successful startups. We’re excited to partner with @Careem to better serve the region and maintain a tailored local experience for mobility, delivery and payments. More: https://t.co/aXWaEvN6jj
— Uber Comms (@Uber_Comms) March 26, 2019
دوبئی میں شروع کی گئی کریم سروس کا شمار مشرق وسطیٰ کے سب سے کامیاب ’سٹارٹ اپس‘ میں کیا جاتا ہے۔ کریم نے مشرق وسطیٰ میں بہت جلدی مقبولیت حاصل کی، خاص کر پاکستان اور مصر جیسے ممالک میں جہاں اس نے صارفین کو صرف کریڈٹ کارڈ کے بجائے نقد رقم ادا کرنے کا طریقہ بھی متعارف کرایا۔
