لندن: برطانوی وزیر خارجہ جیریمی ہنٹ نے کہا ہے کہ سعودی عرب کے ساتھ تزویراتی تعلقات سے برطانیہ کی سلامتی کو یقینی بنانے میں مدد ملی ہے۔ میڈیارپورٹس کے مطابق انھوں نے ایک ٹویٹ میں کہا کہ سعودی وزیر خارجہ ابراہیم العساف اور عادل الجبیر کے ساتھ الریاض میں ان کی ملاقات شاندار رہی ہے۔ سعودی عرب کے ساتھ ہماری تزویراتی شراکت داری سے برطانیہ کو محفوظ رکھنے میں مدد ملی۔ ان سے یمن ایسے سفارتی ترجیحی موضوع اور باہمی دلچسپی کے دوسرے امور پر تبادلہ خیال کیا گیا ہے۔
Excellent first meeting with FM Ibrahim al Assaf & @AdelAljubeir today in Riyadh. Our strategic partnership w/Saudi Arabia helps us to keep the UK safe, to make progress on diplomatic priorities like Yemen, and to discuss frankly issues of concern pic.twitter.com/X2JMyzP64r
— Jeremy Hunt (@Jeremy_Hunt) March 2, 2019
ملاقات میں انھوں نے دونوں دوست مملکتوں کے درمیان تاریخی دوطرفہ تعلقات اور شراکت داری کا جائزہ لیا ہے اور خطے اور عالمی سطح پر ہونے والی تازہ پیش رفت پر بات چیت کی۔ انھوں نے انتہا پسندی اور دہشت گردی سے نمٹنے کے لیے مشترکہ جاری اقدامات اور باہمی دلچسپی کے دوسرے امور پر بھی گفتگو کی ۔ ہنٹ نے ایک ٹویٹ میں کہا کہ انھوں نے عادل الجبیر کے ساتھ سعودی عرب میں انسانی حقوق سے متعلق اصلاحات ،خواتین کارکنان اور تولیتی قانون سمیت خاشقجی قتل کیس کے معاملے پر تبادلہ خیال ہے۔برطانوی وزیر خارجہ نے مزید کہا کہ انھوں نے عادل الجبیر کے ساتھ بات چیت میں یمن کی صورت حال اور وہاں قیام ِامن کے لیے ساحلی شہر الحدیدہ سے حوثی ملیشیا کے فوری طور پر انخلا سے اتفاق کیا ہے۔
