اسلامی ترقیاتی بینک 4.5 ارب ڈالر کا تیل ادھار فراہم کریگا: وزارت خزانہ

70

اسلام آباد: سعودی عرب اور متحدہ عرب امارات کے بعد اسلامی ترقیاتی بینک کا معاشی پیکیج کے تحت پاکستان کو سالانہ ڈیڑھ ارب ڈالر مالیت کے خام تیل کی فراہم کریگا۔ترجمان وزارت خزانہ کے مطابق پاکستان کو ادھار تیل ملنے میں ایک اور بڑی پیش رفت ہوئی ہے۔ جس کے تحت اسلامی ترقیاتی بینک پاکستان کو 4.5 ارب ڈالر کا تیل فراہم کرے گا۔ یہ سہولت 3 سال کے لیے ہوگی۔ جس کے تحت آئی ڈی پی ہر سال ڈیڑھ ارب ڈالر کا تیل ادھار پر فراہم کرے گا۔ اسلامی ترقیاتی بینک کی جانب سے پاکستان کو تیل کی فراہمی شروع بھی ہوگئی ہے، پہلے مرحلے میں 10 کروڑ ڈالر کا تیل فراہم ہو چکا ہے اور دوسرے مرحلے میں 27 کروڑ کا ادھار تیل ملے گا۔ اس کے علاوہ اسلامی ترقیاتی بینک سے ایل این جی بھی ادھار لینے پر بات چیت جاری ہے وزارت خزانہ کے ترجمان کا کہنا ہے کہ سعودی عرب سے ادھار تیل کے معاملات طے پاگئے ہیں، فروری کے وسط سے سعودی عرب سے ادھار تیل مل سکے گا،اس کے علاوہ متحدہ عرب امارات سے بھی ادھار تیل پر بات چیت میں پیش رفت ہوئی ہے۔

جواب چھوڑیں

Please enter your comment!
Please enter your name here