حکومت اس سال کپاس کی ڈیڑھ کروڑ بیلوں کے ہدف کو حاصل کرنے کیلئے کم لاگت پر زیادہ کاشت پر توجہ دیتے ہوئے نئے پالیسی مرتب کر رہی ہے.
وفاقی وزیر تحفظ خوراک و تحقیق صاحبزادہ محبوب سلطان کا کہنا ہے کہ اس پالیسی کا مقصد کسانوں کو ٹیکس فری کیڑے مار ادویات، کھاد پر سبسڈی اور بجلی کی کم نرخوں پر فراہمی ہے.
پیر کے روز میڈیا سے گفتگو کرتے ہوئے صاحبزادہ محبوب سلطان نے کہا کہ سمت کا تعین کرلیا، اب اہداف حاصل کرنے ہیں، تحقیق کے شعبے کو فروغ دے کر کپاس کو ترقی دیں گے ۔
انہوں نے کہا کہ کسانوں کو کھاد اور بجلی پر سبسڈی فراہم کی جا رہی ہے، کسانوں کو فصل کا پورا معاوضہ ادا کریں گے۔ انہوں نے کہا کہ زراعت اور لائیوسٹاک کے ذریعے بھاری زر مبادلہ کما رہے ہیں، آئندہ سال ڈیڑھ کروڑ کپاس کی بیلوں کا ہدف مقرر ہے۔
