حکومت نے ملک میں معدنیات کے شعبہ کی ترقی کے لئے جامع حکمت عملی تیار کرنے کا فیصلہ کیا ہے اور اس مقصد کے لئے جدید خطوط پر معدنی پالیسی تیار کی جائے گی۔
وزارت پٹرولیم کے ذرائع کے مطابق پاکستان میں معدنیات کے شعبے میں سرمایہ کاری اور روزگار کے مواقع بڑھانے کے وسیع مواقع موجود ہیں جن کے ذریعے اس شعبے کی برآمدات بھی بڑھائی جاسکتی ہے اور اس مقصد کے لئے کاروباری برادری معدنیات کے ماہرین کی مشاورت سے نئی معدنی پالیسی کو حتمی شکل دی جائے گی۔ اس سلسلے میں ایک مسودہ ابتدائی طور پر تیار کیا گیا ہے جس کو ماہرین اور متعلقہ فریقین کی مشاورت سے مزید بہتر بنایا جائے گا۔
