جاپان، نسان موٹرز کے سابق چیئرمین کارلوس گون دوبارہ گرفتار

241

ٹوکیو: نسان موٹر ساز کمپنی کے سابق چیئرمین کارلوس گون کو دوبارہ گرفتار کر لیا گیا ہے۔ جاپانی ذرائع ابلاغ کے مطابق کارلوس گون کی گرفتاری کے تازہ وارنٹ جمعہ کی صبح جاری کیے گئے۔
ان پر الزام ہے کہ انہوں نے 2008ء کے عالمی مالیاتی بحران میں اپنی ذاتی سرمایہ کاری کا ایک کروڑ 62 لاکھ ڈالر سے زائد کا نقصان نسان موٹرز کے کھاتے میں ڈال دیا تھا۔ اس سے قبل جمعرات کے روز ٹوکیو کی ضلعی عدالت نے ان کی حراست میں توسیع کے لئے دائر استغاثہ کی درخواست رد کر دی تھی۔ واضح رہے کہ وہ نسان موٹرز کی پانچ سال کی مالی رپورٹوں میں منصبی معاوضہ لاکھوں ڈالر کم دکھانے کے الزام میں زیر حراست تھے۔

جواب چھوڑیں

Please enter your comment!
Please enter your name here