کاروباری دن کے دوران ملک کے سیاسی اور معاشی حالات کے اثرات پاکستان سٹاک ایکس چینج پر نظر آئے، سرمایہ کاروں نے شیئرز کی خریداری سے زیادہ ان کی فروخت میں زیادہ دلچسپی لی، یہی وجہ ہے کہ اختتام پر مارکیٹ 447 پوائنٹس کی کمی کے بعد 38 ہزار 851 پوائنٹس کی سطح پر بند ہوئی۔ انڈیکس میں گراوٹ کے سبب سرمایہ کاروں کے 50 ارب روپے سے زائد ڈوب گئے۔
دوسری جانب انٹر بینک میں ڈالر مستحکم یعنی 138 روپے 90 پیسے پر بند ہوا جبکہ اوپن مارکیٹ میں ڈالر 20 پیسے کمی کے بعد 138 روپے 60 پر فروخت ہوا۔
معاشی تجزیہ کاروں کے مطابق پاکستان سٹاک ایکسچینج میں اس وقت شیئرز کی مالیت کافی حد تک کم ہوچکی ہے، مگر سیاسی اور معاشی ہلچل کے باعث انویسٹر سرمایہ لگانے سے کترا رہے ہیں، اگر حالات بہتر ہو جائیں تو مارکیٹ ایک بار پھر بلندیوں کے نئے ریکارڈ بھی بنا سکتی ہے۔
