ایک حالیہ رپورٹ کے مطابق ماریشس میں گنے کی فصل سے چینی کی پیداوار کے ساتھ ساتھ پھوک سے بجلی پیدا کرکے ملکی ضرورت کا 14 فیصد حصہ پورا کیا جاتا ہے۔ ذرائع ابلاغ کے مطابق یہ چھوٹا سے افریقی ملک جس کی سب سے اہم فصل کماد کو چینی کی پیداوار کے ساتھ ساتھ بجلی کی پیداوار کیلئے بھی استعمال کیا جاتا ہے جبکہ پھوک سے پیدا ہونے والی بجلی ملکی ضروریات کا 14 فیصد حصہ پورا کرتی ہے۔
گنے کی کرشنگ کے بعد بچ جانے والے پھوک کو مصنوعات کی تیاری یا جلا کر بجلی پیدا کرنے کیلئے استعمال کیا جاتا ہے، گنے کے پھوک سے بجلی کی پیداوار کا مقصد بجلی کی تیاری میں کوئلے اور تیل کے استعمال سے بچنا ہے جو آلودگی اور دیگر مسائل کا باعث بنتا ہے۔ اس کے علاوہ شمسی توانائی، ہوا اور ہائیڈرو ذرائع سے پیدا ہونے والی بجلی ملکی ضروریات کا قریبا ً ایک چوتھائی حصہ پورا کرتی ہے۔ حکومت کا ہدف ہے کہ 2025 ء تک بجلی کی ملکی ضرورت کا 35 فیصد حصہ قابل تجدید توانائی کے ذرائع سے پیدا ہونے والی بجلی سے حاصل کیا جائے۔
