وزارت خزانہ نے وزارت توانائی کی جانب سے پاور ڈسٹری بیوشن کمپنیوں میں نئے پرفارمنس مانیٹرنگ یونٹس (پی ایم یوز) میں مسلح افواج کے سینئر افسران کو سربراہوں کے طور پرتعینات کرنے کی تجویز کی مخالفت کرتے ہوئے کہا ہے کہ یہ خصوصی سرمایہ کاری سہولت کونسل (SIFC) کے سابقہ فیصلے کی خلاف ورزی ہے۔ .
ایس آئی ایف سی نے فوج کو صرف چوری کے خلاف مہم میں کردار دینے کی منظوری دی تھی، پاور سیکٹر کے انتظامی معاملات میں نہیں، جوکہ بہت زیادہ نقصانات کا سامنا کر رہا ہے۔
وزارت توانائی نے تمام پاور ڈسٹری بیوشن کمپنیوں میں نئے پی ایم یوز کے قیام کے لیے کابینہ سے منظوری طلب کی تھی جس کے مطابق مسلح افواج کا گریڈ 20 کا افسر ان یونٹوں کی سربراہی کرے گا۔ وزارت دفاع سے یہ بھی درخواست کی کہ وہ ہر ڈسکو میں حساس اداروں سے ایک افسر اور ایک حاضر سروس پولیس افسر کو انسداد چوری مہم میں پولیس حکام کے ساتھ تعاون کے لیے تعینات کرے۔
اس سے قبل گزشتہ ماہ کے آخر میں یہ بات سامنے آئی تھی کہ پاور ڈویژن نے ہر اس ڈسکو میں پرفارمنس مانیٹرنگ یونٹس (پی ایم یوز) قائم کرنے کا منصوبہ تیار کیا تھا جہاں نقصانات زیادہ اور ریکوری کم ہے۔ پی ایم یوز کی سربراہی ایک حاضر سروس بریگیڈیئر کریں گے اور ان میں فیڈرل انویسٹی گیشن ایجنسی (ایف آئی اے) اور انٹیلی جنس بیورو (آئی بی) کے اہلکارعملے کے حصے کے طور پر ہوں گے۔
تاہم وزارت خزانہ نے ان یونٹس کے قیام کی اضافی لاگت، پاور سیکٹر کے انتظام میں تجربے کی کمی اور ایس آئی ایف سی کے فیصلے سے انحراف کے بارے میں سوالات اٹھائے ہیں۔
یہ بات قابل ذکر ہے کہ پاور سیکٹر کا گردشی قرض جون میں 23.1 کھرب روپے سے بڑھ کر اکتوبر میں 26.1 کھرب روپے تک پہنچ گیا جو کہ صرف چار ماہ میں 301 ارب روپے کا خالص اضافہ ہے۔
301 ارب روپے کے اضافے میں سے 242 ارب روپے یا اضافی کا 80 فیصد ان پاور ڈسٹری بیوشن کمپنیوں کی نا اہلی اور بلوں کی کم وصولی کی وجہ سے تھا۔
