چین اور پاکستان کے درمیان چینی یوآن (آرایم بی) میں ہونے والی دو طرفہ تجارت کے حجم میں سال 2023 میں 14 فیصد سے زائد کا اضافہ ہوا جو 2018 میں صرف دو فیصد تھا۔
اس بات کا انکشاف سٹیٹ بینک آف پاکستان (ایس بی پی) کے اعلیٰ حکام نے خصوصی سرمایہ کاری سہولت کونسل (SIFC) کے ساتھ ملاقات کے دوران کیا۔
ایس بی پی نے چینی یوان کلیئرنگ اور سیٹلمنٹ سیٹ اپ قائم کرنے کے لیے تین بینکوں انڈسٹریل اینڈ کمرشل بینک آف چائنا (ICBC)، بینک آف چائنا (BOC) اور سٹینڈرڈ چارٹرڈ بینک (SCB) کو نامزد کرکے ٹھوس اقدامات کیے۔
یہ اقدام پاکستان کے ادائیگیوں کے توازن پر دباؤ کو کم کرنے اور اس کے زرمبادلہ کے ذخائر کو مستحکم کرنے کی ایک وسیع حکمت عملی کا حصہ ہے، جو بنیادی طور پر امریکی ڈالر میں ہیں۔
3 جنوری کو ہونے والی خصوصی سرمایہ کاری سہولت کونسل میٹنگ میں موجود ایک سینئر عہدیدار نے بتایا کہ چینی یوان میں تجارت میں اضافہ پیپلز بینک آف چائنا (PBC) اور ستیٹ بینک آف پاکستان کے درمیان دستخط شدہ مفاہمت کی یادداشت کا نتیجہ ہے، جس نے پاکستان میں انڈسٹریل اینڈ کمرشل بینک آف چائنا کو چینی یوان کلیئرنگ کے طور پر کام کرنے کا اختیار دیا۔
تجارتی لین دین میں چینی یوان کی طرف یہ جھکاؤ نہ صرف پاکستان کے لیے اہم ہے بلکہ عالمی رجحان کی نشاندہی بھی کرتی ہے۔
NIKKEI Asia کے مطابق چینی یوآن دنیا میں چوتھی سب سے زیادہ استعمال ہونے والی کرنسی بن گیا ہے۔
سوئفٹ انٹرنیشنل پیمنٹ سروس کی رپورٹ کے مطابق نومبر میں چینی یوان نے جنوری 2022 کے بعد پہلی بار بین الاقوامی ادائیگیوں میں جاپان کے ین کو پیچھے چھوڑ دیا۔ نومبر میں تجارت کے لیے یوآن کا عالمی استعمال 4.61 فیصد تھا، جو 2015 میں ڈیٹا اکٹھا کرنے کے بعد سے سب سے زیادہ ہے۔
یہ اضافہ جزوی طور پر روس، مشرق وسطیٰ اور جنوبی امریکہ جیسے ممالک کے ساتھ تجارت میں امریکی ڈالر کے علاوہ دیگر کرنسیوں کے استعمال کے لیے چین کے دباؤ کو قرار دیتا ہے، خاص طور پر یوکرین پر روس کے حملے کی وجہ سے روس پر مغربی پابندیوں کے بعد اس میں تیزی آئی ہے
پاکستان میں چینی کرنسی کا بڑھتا ہوا استعمال روس کے ساتھ تجارت میں بھی واضح ہے، خاص طور پر ایندھن کے لین دین کے لیے، جو بین الاقوامی تجارت میں یوآن کی بڑھتی ہوئی اہمیت کو مزید واضح کرتا ہے۔
