سمٹ بینک لمیٹڈ (SMBL) کا نام بدل کر بینک مکرمہ لمیٹڈ (BML) کردیا گیا ہے، بینک نے پیر کو پاکستان سٹاک ایکسچینج (پی ایس ایکس) کو ایک نوٹس میں یہ اعلان کیا ہے۔
نوٹس میں کہا گیا ہے”ہمیں آپ کو یہ بتاتے ہوئے خوشی ہو رہی ہے کہسمٹ بینک لمیٹڈ کا نام تبدیل کر کےبینک مکرمہ لمیٹڈ( BML) کر دیا گیا ہے جو کہ 07 نومبر 2023 سے نافذ العمل ہے،”
” نوے دن کی مدت تک کمپنی ہر دفتر یا جگہ کے باہر اور ڈاکومنٹ میں اپنے سابقہ نام کے ساتھ اپنے نئے نام کا ذکر کرتی رہے گی جہاں اس کا کاروبار ہے۔ ایکٹ کے سیکشن 22 میں مذکور ہر دستاویز یا نوٹس پر عمل کیا جاتا ہے،”
رواں برس جولائی میں بینک نے کہا تھا کہ اس کے بورڈ آف ڈائریکٹرز نے ایس ایم بی ایل کا نام بدل کر بینک مکرمہ لمیٹڈ کرنے کی منظوری دی تھی، جس کے بعداسٹیٹ بینک آف پاکستان (SBP) کی منظوری دی گئی۔
وزارت خزانہ کے ذرائع نے بزنس ریکارڈر کو بتایا کہ گزشتہ ماہ وفاقی کابینہ نے سمٹ بینک کا نام تبدیل کرکے بینک مکرمہ لمیٹڈ کرنے اور ووٹنگ کے حقوق ناصر عبداللہ حسین لوطہ کو اس کے شیئر ہولڈنگ کے مطابق دینے کی اجازت دی تھی۔
نام میں تبدیلی متحدہ عرب امارات کے ممتاز سرمایہ کار ناصر عبداللہ حسین لوٹاہ کے سمٹ بینک میں کنٹرولنگ حصص حاصل کرنے کے بعد ہوئی ہے۔
اپریل میں ناصر عبداللہ حسین لوطہ نے 2.51 روپے فی شیئر کے حساب سے بینک کے 3.98 ارب نئے حصص خریدے، جن کی رقم 10 ار ب روپے بنتی ہے، جس سے اسے ایکویٹی حصص کی اکثریت ملتی ہے۔
سمیٹ بینک لمیٹڈ نے اس وقت کہا کہ بینک کے لیے سرمایہ کار کا وژن اسے ایک مکمل اسلامی بینک میں تبدیل کرنا ہے، جو غیر معمولی خدمات، اختراعی مصنوعات اور اسلامی مالیات کے اصولوں کے لیے وابستگی فراہم کرے۔
