سعودی عرب کی ممتاز فیول سٹیشن کمپنی وافی انرجی ایل ایل سی نے شیل پاکستان لمیٹڈ کے 77.42فیصد شیئر خریدنے کے اپنے ارادے کا اظہار کیا ہے۔
شیل پاکستان نے منگل کو پاکستان سٹاک ایکسچینج میں ایک سٹاک فائلنگ میں کہا کہ شیل پاکستان لمیٹڈ شیل کو وافی انرجی ایل ایل سی سے77.42 فیصد تک کا کنٹرول حاصل کرنے کا ارادہ موصول ہوا ہے۔
نوٹس کے مطابق وافی انرجی ریٹیل گیس سٹیشنوں کا تیزی سے پھیلتا ہوا نیٹ ورک ہے اور سعودی عرب میں شیل ریٹیل نیٹ ورک (گیس سٹیشنز) کے لیے خصوصی لائسنس رکھتا ہے۔
بروکریج ہاؤس عارف حبیب لمیٹڈ کو WAFI انرجی کے حصول کی پیشکش کے لیے مینیجر کے طور پر مقرر کیا گیا ہے۔ عارف حبیب لیمیٹڈ نے ایک عوامی اعلان جمع کرایا ہے جس میں سعودی فرم کے شیل پاکستان کے 77.42 فیصد شیئرز حاصل کرنے کے ارادے کا اظہار کیا گیا ہے۔
وافی انرجی 2012 میں 30 لاکھ سعودی ریال کے مجاز اور ادا شدہ سرمائے کے ساتھ قائم کی گئی تھی، جیسا کہ اے ایچ ایل کے نوٹس میں بتایا گیا ہے۔
اس سے قبل 14 جون کو شیل پیٹرولیم (شیل پی ایل سی) نے ملک میں اس کے ذیلی ادارے شیل پاکستان میں اپنے حصص کو چھوڑنے کا اعلان کیا تھا۔ اس وقت شیل پاکستان نے اس بات پر زور دیا کہ منتقلی اس کے جاری کاروباری آپریشنز کو متاثر نہیں کرے گی، جو معمول کے مطابق جاری رہیں گے۔
اگرچہ جون کے اعلان میں یہ واضح نہیں کیا گیا کہ حصص کی تقسیم کیا جائے گی، لیکن 31 دسمبر 2022 کو ختم ہونے والے سال کی سالانہ رپورٹ میں اشارہ کیا گیا ہے کہ شیل پی ایل سی نے اپنی پاکستان کی ذیلی کمپنی میں 77.42 فیصد حصص رکھے ہیں، جو کہ 16.57 کروڑ حصص کے برابر ہے۔
جولائی میں پاکستان ریفائنری لمیٹڈ (PRL) اور ایئر لنک کمیونیکیشن نے پاکستان سٹآک ایکسچینج کو الگ الگ نوٹیفکیشن جاری کیے، جس میں انہوں نے شیل پاکستان کا کنٹرول حاصل کرنے کا ارادہ ظاہر کیا۔ دونوں کمپنیوں نے ایک معاہدے کے ذریعے مشترکہ طور پر حیران کن 77.42فیصد یعنی 16.57 کروڑ شیئرز، اور ایک اضافی 11.29فیصد یا 2.42 کروڑ شیئرز ایک عوامی پیشکش کے ذریعے حاصل کرنے کا ارادہ ظاہر کیا۔
یہ رپورٹس بھی سامنے آئیں کہ سعودی آرامکو شیل پی ایل سی کے پاکستان کے کاروبار کے لیے ممکنہ بولی کی تلاش کر رہا ہے۔
ایک حالیہ پیشرفت میں پراکس اوورسیز ہولڈنگز لمیٹڈ (پراکس) ایک برطانوی میں مقیم کمپنی نے شیل پاکستان لمیٹڈ میں کنٹرولنگ حصص حاصل کرنے کے اپنے ارادے کا اظہار کیا ہے۔
