اوگرا کی گیس کی قیمتوں میں کمی کی سفارش،حکومت کا انکار

اسلام آباد: حکومت نے آئل اینڈ گیس ریگولیٹری اتھارٹی ( اوگرا ) کی سفارش کے باوجود گیس صارفین کو قیمتوں میں ریلیف نہ دینے کا فیصلہ کرلیا۔

اوگرا نے سفارش کی تھی کہ گیس  کی قیمتوں میں دو سے چھ فیصد تک کمی کردی جائے مگر حکومت نے گیس کمپنیوں کے نقصانات کے پیش نظر ایسا نہ کرنے کا فیصلہ کیا ہے۔

یہ بھی پڑھیے:

عوام کو بجلی کا جھٹکا لگانے کی تیاری

اوگرا کا یو ایف جی آڈٹ کے ذریعے گیس کے شعبے کے نقصانات کی تصدیق کا عندیہ

تفصیلات کے مطابق اوگرا نے عالمی منڈی میں تیل کی قیمتوں میں کمی کا فائدہ عوام کو منتقل کرنے کی غرض سے 14 جولائی کو یہ طے کیا  تھا کہ گیس کی قیمتوں میں دو سے چھ فیصد تک کمی کی جانی چاہیے۔

جس پر حکومت سے عوام کے لیے گیس کی قیمتوں میں کمی کی سفارش کی گئی مگر وفاقی حکومت نے قیمتیں تبدیل نہ کرنے کا فیصلہ کیا۔