اسلام آباد: آئل اینڈ گیس ریگولیٹری اتھارٹی (اوگرا) نے سوئی سدرن گیس کمپنی (ایس ایس جی سی) اور سوئی ناردرن گیس پائپ لائن لمیٹڈ (ایس این جی پی ایل) کے نیٹ ورکس پر Regasified Liquefied Natural Gas (آر ایل این جی) کی قیمتوں میں اضافہ کر دیا ہے۔
ایس یس جی سی سسٹم کے لیے درآمد شدہ آر ایل این جی کی نئی قیمت 0.39 ڈالر فی ایم ایم بی ٹی یو کے اضافے سے 6.67 ڈالر فی ایم ایم بی ٹی یو ہو گئی ہے، اس سے قبل جون میں اس کی قیمت 6.2716 ڈالر ایم ایم بی ٹی یو تھی۔
اسی طرح ایس این جی پی ایل سسٹم کے لیے درآمد شدہ آر ایل این جی کی قیمت 0.34 ڈالر فی ایم ایم بی ٹی یو بڑھ کر 6.4750 ڈالر فی ایم ایم بی ٹی یو ہوگئی ہے، اس سے قبل جون اس کی قیمت 6.1284 ڈالر فی ایم ایم بی ٹی یو تھی۔
