لاہور: وفاقی کابینہ نے جمعہ کے روز آئندہ مالی سال کے لیے بجٹ منظوری کے دوران گورنمنٹ ملازمین کے لیے پینشن اور تنخواہوں میں اضافہ نہ کرنے کا فیصلہ کیا ہے۔
وفاقی کابینہ کے اس اقدام کا مطلب ہے کہ آئندہ مالی سال کے لیے وفاقی حکومت کے ملازمین کے لیے تنخواہیں اور پینشنز گزشتہ مالی سال کی سطح پر برقرار رہیں گی۔
مذکورہ فیصلہ اس وقت سامنے آیا ہے جب ملک کو کورونا وائرس کی وجہ سے منفی اثرات کا سامنا ہے اور ایف بی آر کے لیے آئندہ مالی سال کے لیے ٹیکس جمع کرنے کا ہدف بھی کم کردیا گیا ہے۔
اس سے قبل 9 جون 2020 کو حکومتِ پاکستان اور عالمی مالیاتی فنڈ (آئی ایم ایف) نے سرکاری ملازمین کی تنخواہوں اور پینشنز میں اضافہ کرنے پر اتفاق کیا تھا جس کا مقصد وفاقی ملازمین کو افراطِ زر کے اثرات سے بچانا تھا۔
