سان فرانسسکو: دنیا بھر میں مقبول سوشل میڈیا کمپنی واٹس ایپ نے کورونا وائرس سے متعلق بے بنیاد خبروں اور غلط معلومات پر قابو پانے کے لیے پیغامات پہنچانے کے عمل پر کچھ مزید پابندیاں عائد کی ہیں تاکہ لوگوں کو خوف و ہراس سے بچایا جا سکے۔
سوشل میڈیا کمپنی کی نئی پالیسی کے مطابق واٹس ایپ صارفین اب ایک وقت میں ایک ہی شخص کو پیغام بھیج سکتے ہیں، کمپنی کے اس اقدام کا مقصد سوشل میڈیا پر اشتعال انگیزی اور غلط مواد کو پھیلنے سے روکنا ہے۔
فیس بک کی مالک کمپنی نے کہا ہے کہ انہوں نے لوگوں کو صحت کے بحران کے دوران ذاتی اور نجی مواصلات پر توجہ دینے کے قابل بنانے پر یہ اقدام کیا ہے۔
واٹس ایپ نے اپنی ایک بلاگ پوسٹ میں کہا کہ “ہم نے گزشتہ ہفتوں کے دوران پیغامات کے آگے بھیجنے میں اضافہ دیکھا جو صارفین نے ہمیں بتایا ہے اور حد سے زیادہ محسوس کی جا سکتی ہے اور غلط معلومات پھیلانے میں معاون ثابت ہو سکتے ہیں”۔
