ایف بی آر نے سیلز ٹیکس ادائیگی، فیڈرل ایکسائز ریٹرن کی تاریخ میں توسیع کر دی

لاہور: وفاقی بورڈ برائے ریونیو (ایف بی آر) نے فروری 2020 تک کے سیلز ٹیکس اورفیڈرل ایکسائز ریٹرن میں 12 اپریل تک توسیع کر دی ہے۔

ایف بی آر کے جاری کردہ سرکلر کے مطابق ادائیگی کی تاریخ 31 مارچ 2020 سے بڑھا کر 12 اپریل 2020 تک توسیع کر دی ہے۔

اس دوران ایف بی آر نے حکومت کے ریونیو وسائل میں اضافے کے لیے ٹیکس دہندگان کو بروقت ٹیکس ادا کرنے کی گزارش کی ہے۔

یہ بھی پڑھیے:

کورونا وائرس سے نقصان،امریکی ائیرلائنز کا حکومت سے 12 ارب ڈالر امداد کی اپیل کا فیصلہ

ایف بی آر نے گڈز ڈیکلیریشن فائل کرنے کی مدت میں 25 دن توسیع کر دی

ایک دوسرے بیان میں ایف بی آر نے کہا کہ کورونا وائرس کی موجودہ صورتحال کے پیش نظر حکومت تمام وستیاب وسائل کو بروئے کار لاتے ہوئے شہریوں کو سروسز فراہم کرے گی۔

محکمے کی جانب سے مزید کہا گیا کہ ایف بی آر کے سٹاف اور ملازمین کورونا وائرس پھیلنے کے خوف کے بغیر اور لاک ڈاؤن کے دوران اپنی خدمات سرانجام دے رہے ہیں۔