پیرس: انٹرنیشنل ایئر ٹرانسپورٹ ایسوسی ایشن کے ایک افسر نے کہا ہے کہ اگلے ہفتے شائع کیے جانے والے اعداد و شمار میں عالمی سطح پر ایئر فرائٹ ٹریفک میں گزشتہ ماہ فروری میں قریباً 10 فی صد کمی ظاہر کی جائے گی اور سال بھر میں یہ کمی مجموعی طور پر 15 سے 20 فی صد ہو جائے گی۔
آئی اے ٹی اے نے کہا ہے کہ میڈیکل اور دیگر ساز و سامان لے کر جانے والی فرائٹ پروازوں میں ریکارڈ اضافہ ہوا ہے جب کہ کورونا وائرس کے باعث مسافر طیارے گرائونڈ کیے جا چکے ہیں۔ بہت سی ایئرلائن کمپنیاں فرائٹ کی سرگرمیاں انجام دینے کے لیے مسافر بردار طیاروں کا استعمال کر رہی ہیں۔
آئی اے ٹی اے نے حکومتوں سے مطالبہ کیا ہے کہ وہ کورونا وائرس کے پیش نظر عائد کی گئی پابندیوں کا دائرہ کار کارگو پروازوں سے ختم کرتے ہوئے کارگو فلائٹس اور بشمول طبی آلات لے کر جا رہے فرائٹ طیاروں کو اپنی سرگرمیاں مناسب انداز سے انجام دینے کی اجازت دیں۔
