کراچی: بدھ کے روز روپے کی قدر میں مسلسل تیسرے روز کمی آئی ہے جیسا کہ انٹربنک مارکیٹ میں ڈالر کی قیمت میں 98 پیسے اضافہ ہوا اور یہ 158.42 روپے کا ہو گیا ہے۔
گزشتہ تین روز کے دوران روپے کی قدر میں ڈالر کے مقابلے میں 4.05 روپے یا 2.6 فی صد کمی ہوئی ہے۔
روپے کی قدر میں کمی کے علاوہ ڈالر نے انٹربنک میں قریباً چھ ماہ بعد 158 روپے کا ہندسہ پار کیا ہے۔
روپے کی قدر میں اس کمی کی وجہ ٹی بلز کے نکلوائے جانے پر عائد کی جا رہی ہے۔ جیسا کہ مارچ کے ابتدائی تین دنوں کے دوران 174 ملین ڈالر مالیت کے ٹی بلز نکلوائے گئے۔
