اسلام آباد: وزیراعظم عمران خان نے متعلقہ حکام کو ملک میں سمگلنگ کی روک تھام کے لیے کریک ڈائون کا حکم دیا ہے۔
انہوں نے وفاقی دارالحکومت میں اعلیٰ سطحی اجلاس کی صدارت کرتے ہوئے کہا کہ حکومت خوراک کی سمگلنگ میں ملوث عناصر کو برداشت نہیں کرے گی جس کے باعث ملک میں افراطِ زر کا مصنوعی بحران پیدا ہوا ہے۔
وزیراعظم نے وزارتِ داخلہ کو ہدایت کی ہے کہ وہ 48 گھنٹوں میں انسداد سمگلنگ کے حوالے سے اقدامات کی تفصیل پر مشتمل رپورٹ تیار کرکے پیش کرے۔ وزیراعظم نے انسداد سمگلنگ ٹاسک فورس کی تجاویز کی روشنی میں قلیل المدتی، وسط المدتی اور طویل المدتی اقدامت کرنے کی ہدایت بھی کی۔
