حبیب بینک کا اپنی نیویارک برانچ رضاکارانہ طور پر بند کرنے کا اعلان

کراچی: حبیب بینک لمیٹڈ (ایچ بی ایل) کی جانب سے کہا گیا ہے وہ 31 مارچ 2020ء کو نیویارک میں اپنی برانچ رضاکارانہ طور پر بند کردے گا ۔

یہ بھی پڑھیں:حبیب میٹروپولیٹن: ایسا بینک جو اپنے روایتی ہونے پر نازاں ہے

ایچ بی ایل کی بینک کی جانب سے پاکستان سٹاک ایکسچینج کو بھیجے گئے نوٹیفکیشن میں کہا گیا ہے کہ رضاکارانہ طور پر برانچ بند کرنے کا فیصلہ نیویارک بینکنگ ریگولیشنز کے مطابق کیا گیا ہے ، مذکورہ برانچ کی بندش کے بعد حبیب بینک کی امریکا میں کوئی برانچ کام نہیں کرے گی۔

یہ بھی پڑھیں:الائیڈ بینک نے پاکستان کے پانچ بڑے بینکوں میں جگہ کیسے بنائی جائے؟

حبیب بینک کی جانب سے مزید کہا گیا ہے کہ نیویارک برانچ کی بندش کے حوالے سے مسلسل تعاون کرنے پر نیویارک سٹیٹ ڈیپارٹمنٹ آف فنانشل ریگولیشز اور ریزور بینک آف نیویارک کے شکرگزار ہیں۔

ایک الگ بیان میں ایچ بی ایل نے کہا ہے کہ حبیب بینک پاکستان اور دیگر ملکوں میں اپنےکلائنٹس کی یو ایس ڈالر بینکنگ ضروریات پوری کرتا رہےگا۔