اسلام آباد: متبادل ذرائع سے توانائی کی پیداوار کیلئے نجی شعبہ کی سرمایہ کاری کی حوصلہ افزائی کی پالیسی کے تحت کئے گئے اقدامات کے نتیجہ میں 3.5 ارب ڈالر کی سرمایہ کاری کی گئی ہے جس سے 35 منصوبے مکمل کئے گئے ہیں۔
وزارت توانائی (انرجی ڈویژن) کی رپورٹ کے مطابق ہوا، سورج اور بائیو گیس سے بجلی پیدا کرنے کے لئے متبادل ذرائع سے شروع کئے گئے 2100 میگا واٹ کے مختلف منصوبے تکمیل کے مراحل میں ہیں جن کی تکمیل 2024ء تک متوقع ہے ۔ رپورٹ کے مطابق ہوا سے بجلی پیدا کرنے کے 23 منصوبہ جات مکمل کرلئے گئے ہیں۔
